نئی دہلی: لاء کمیشن آف انڈیا نے یکساں سول کوڈ پر ایک تازہ مشاورتی عمل شروع کیا ہے اور عوام اور مذہبی تنظیم سے رائے طلب کی ہے۔ وزارت قانون و انصاف کی طرف سے جاری کردہ ایک سرکاری بیان میں لاء کمیشن آف انڈیا نے کہا کہ اس نے یکساں سول کوڈ کے بارے میں عوام اور تسلیم شدہ مذہبی تنظیموں کے خیالات اور نظریات کی درخواست کی ہے۔
بیان میں کہا گیا ہے کہ بھارت کا 22 واں لاء کمیشن یکساں سول کوڈ کی جانچ کر رہا ہے، جو وزارت قانون اور انصاف کی طرف سے بھیجا گیا ہے۔ ابتدائی طور پر بھارت کے 21 ویں لاء کمیشن نے یکساں سول کوڈ کے موضوع کا جائزہ لیا تھا۔ انھوں نے اس حوالے سے 07.10.2016 کو ایک سوالنامہ بھی جاری کرکے عوام سے رائے بھی مانگی تھی اور مزید عوامی اپیلیں/نوٹس مورخہ 19.03.2018، 27.03.2018 اور 10.4.2018، بھی جاری کی تھی۔
بیان میں مزید کہا کہ اسی کے مطابق کمیشن کو زبردست جوابات موصول ہوئے ہیں۔ 21 ویں لاء کمیشن نے 31.08.2018 کو "عائلی قوانین کی اصلاحات" پر مشاورتی پیپر جاری کیا تھا۔ چونکہ مذکورہ مشاورتی مقالے کے اجراء کی تاریخ سے تین سال سے زیادہ کا عرصہ گزر چکا ہے، اس موضوع کی مطابقت اور اہمیت اور اس موضوع پر عدالت کے مختلف احکامات کو مدنظر رکھتے ہوئے، بھارت کے 22 ویں لاء کمیشن نے نئے سرے سے اس موضوع پر غور کرنا مناسب سمجھا ہے۔
یہ بھی پڑھیں:
اس کے مطابق، بھارت کے 22 ویں لاء کمیشن نے یکساں سول کوڈ کے بارے میں بڑی اور تسلیم شدہ مذہبی تنظیموں سے عوام کے خیالات اور نظریات کو دوبارہ حاصل کرنے کا فیصلہ کیا ہے۔ جو لوگ دلچسپی اور خواہش رکھتے ہیں وہ نوٹس کی تاریخ سے 30 دنوں کے اندر اندر لاء کمیشن آف انڈیا پر ای میل کے ذریعے اپنے خیالات پیش کر سکتے ہیں۔
