اس معاملے میں پولیس نے بچے کے کنبے سے 2 افراد سمیت 3 لوگوں کو گرفتار کیا ہے۔ ملزمین نے تاوان کے لیے بچے کو اغوا کیا تھا۔ لیکن اغوا کے کچھ دیر بعد ہی بچہ کو قتل کر دیا گیا۔
ایڈیشنل ڈپٹی کمشنر آف پولیس انکور اگروال کے مطابق نوئیڈا پولیس اسٹیشن فیز 3 کے علاقے میں واقع چوٹ پور کالونی میں رہنے والے 11 سالہ ابھیشیک کے اغوا اور قتل کے معاملے میں پولیس نے تین افراد کو گرفتار کیا ہے۔ تفتیش سے انکشاف ہوا ہے کہ اس میں ابھیشیک کا چچا اور چچا کا لڑکا بھی شامل ہے۔
ان لوگوں نے بچے کو پبجی گیم کھیلنے کے لیے بلایا اور اسے اغوا کرلیا۔ ملزم کے اغوا کے فورا بعد ہی بچے کا گلا دبا کر قتل کردیا گیا اور اس کی لاش کو ایک بوری میں بھر کر نوئیڈا کے سیکٹر-62 کے قریب پھینک دیا گیا۔ بچے کے لاپتہ ہونے کے بعد بچے کے اہل خانہ نے پولیس کو اس کی اطلاع دی۔
اس معاملے کی سنگینی کے پیش نظر پولیس کی متعدد ٹیمیں تشکیل دی گئیں اور اس کی گہرائی سے تفتیش کی گئی۔ اس کے بعد پولیس نے ابھیشیک کے سگے چاچا منوج، ابھیشیک کے چچا کا بیٹا کنال اور توصیف کو گرفتار کرلیا ہے۔ ملزمین نے ابھیشیک کے اہل خانہ سے تاوان لینے کی نیت سے اغوا کیا تھا۔ لیکن اغوا کے فوراً بعد ہی انہوں نے بچے کا گلا گھونٹ دیا اور نعش سیکٹر-62 کے قریب پھینک دی۔