Russia Ukraine War: 'روس جوہری دہشت گردی کر رہا ہے'

صدر زیلنسکی نے کہا کہ روسی تشہیرکاروں نے دنیا کو جوہری راکھ سے ڈھکنے کی دھمکی دی۔ یہ اب کوئی خطرہ نہیں بلکہ حقیقت ہے۔ Ukraine on Russia Nuclear Plant

یوکرین کے زاپوریزیا پاور پلانٹ پر حملے کے بعد صدر ولادیمیر زیلنسکی نے جمعہ کو یورپ سے کارروائی کرنے کی اپیل کی اور کہا کہ روس جوہری دہشت گردی کرنے والا ایک دہشت گرد ریاست ہے۔ Russia is a Terrorist State Says Ukraine

انہوں نے کہاکہ یورپ کو اب بیدار ہونا چاہیے۔ یورپ کے سب سے بڑے جوہری مرکز میں آگ لگی ہوئی ہے۔ ابھی روسی ٹینک جوہری یونٹ پر گولہ باری کر رہے ہیں۔

صدر نے کہا کہ میں ان تمام یوکرینین افراد اور تمام یورپی افراد سے خطاب کرتا ہوں، جو ’چیرنوبِل‘ لفظ جانتے ہیں، جو جانتے ہیں کہ جوہری مرکز پر دھماکے کی وجہ سے کتنا نقصان ہوا تھا۔ یہ ایک عالمی آفت (مسئلہ) تھی۔ روس اسے دہرانا چاہتا ہے لیکن چھ گنا مشکل ہے‘۔

انہوں نے کہا کہ ہم سبھی کو خبردار کرتے ہیں کہ کبھی کسی ملک نے نیوکلیئر پاور پلانٹس پر گولہ باری نہیں کی۔ بنی نوع انسان کی تاریخ میں پہلی بار کسی دہشت گرد ریاست نے جوہری دہشت گردی کی ہے۔

صدر زیلنسکی نے کہا کہ روسی تشہیرکاروں نے دنیا کو جوہری راکھ سے ڈھکنے کی دھمکی دی۔ یہ اب کوئی خطرہ نہیں بلکہ حقیقت ہے۔

انہوں نے کہا کہ ’ہمیں روسی فوجیوں کو روکنا چاہیے۔ اپنے رہنماؤں کو بتائیں کہ یوکرین کے پاس 15 جوہری یونٹس ہیں۔ اگر کوئی دھماکہ ہوگا تو یہ ہم سبھی کا خاتمہ ہوگا، یورپ کا خاتمہ۔ صرف یورپ کی فوری کارروائی سے ہی رک سکتی ہے‘۔

قابل ذکر ہے کہ جمعہ کی علی الصبح روسی فوجیوں کے حملے میں ایک جوہری پلانٹ میں آگ لگ گئی۔

(یو این آئی)