UCADA Finance Controller Died کیدارناتھ میں ہیلی کاپٹر کی زد میں آکر یوکاڈا فائنانس کنٹرولر کی موت

کیدارناتھ ہیلی پیڈ پر ہیلی کاپٹر کے ٹیل روٹر سے ٹکرانے سے یوکاڈا فائنانس کا ایک افسر ہلاک ہو گیا۔ بتایا جا رہا ہے کہ اس حادثے میں یوکاڈا کے فائنانس جنرل منیجر امت سینی کی موت ہو گئی۔ ڈیزاسٹر مینجمنٹ آفیسر نے اس واقعہ کی جانکاری دی ہے۔

دہرادون: اتراکھنڈ کے شہری ہوا بازی کے محکمے (یو سی اے ڈی اے) کے فائنانس کنٹرولر کی اتراکھنڈ کے پانچویں جیوترلنگ کیدارناتھ پر واقع ہیلی پیڈ پر ایک کاپٹر کی زد میں آنے سے موت ہو گئی۔ کیدارناتھ میں بھی موجود ردرپریاگ ضلع کے ضلع مجسٹریٹ میور دکشٹ نے نے اس واقعہ کی تصدیق کی ہے۔انہوں نے بتایا کہ انہیں موصول ہونے والی اطلاع کے مطابق یو سی اے ڈی اے کے فائنانس کنٹرولر امت سینی ہیلی کاپٹر میں سوار ہونے کے لیے دوسری طرف سے جا رہے تھے جس کی وجہ سے وہ ٹیل روٹر کی زد میں آ گئے۔ انہوں نے بتایا کہ پولیس لاش کا پنچنامہ کر رہی ہے۔

خیال ر ہے کہ سینی آج ہیلی پیڈ کا معائنہ کرنے اور ہیلی کاپٹر سروس کے انتظامات کا جائزہ لینے کیدارناتھ پہنچے تھے۔ دوپہر کے پونے ایک بجے کے قریب وہ واپسی کے لیے ہیلی کاپٹر کی طرف گئے۔ لیکن اچانک ہیلی کاپٹر کے ٹیل روٹر کی زد میں آگئے جس ان کی موت ہوگئی۔ کہا جاتا ہے کہ جب وہ ہیلی کاپٹر کی طرف جا رہے تھے تو پیچھے سے کئی لوگوں نے انہیں پکارا کہ وہ الٹی سمت جا رہے ہیں لیکن انہیں سنائی نہیں دیا۔

واضح رہے کہ اس بار کیدارناتھ یاترا 25 اپریل سے شروع ہونے جا رہی ہے۔ تاہم، چاردھام یاترا 22 اپریل کو گنگوتری اور یمونوتری کے دروازے کھولنے کے ساتھ شروع ہوئی ہے۔ جبکہ بدری وشال کے دروازے 27 اپریل کو کھلیں گے۔ کیدارناتھ یاترا کی تیاریاں زور و شور سے جاری ہیں۔ کیدارگھاٹی میں برف باری کی وجہ سے انتظامیہ کو کیدارناتھ پیدل روٹ اور دھام میں انتظامات کرنے میں مشکلات کا سامنا ہے۔ دوسری طرف یہ انتہائی افسوسناک ہے کہ یہ واقعہ کیدارناتھ یاترا سے پہلے پیش آیا۔( یون این آئی مشمولات کے ساتھ)