مغربی آسام کے ضلع کوکراجھار کے ایک گاؤں میں دو بہنیں درخت سے لٹکی ہوئی ملی ہیں، پولیس نے ہفتہ کے روز یہ اطلاع دی۔
تاہم متاثرہ افراد کے لواحقین نے الزام لگایا کہ جمعہ کی سہ پہر سے لاپتہ ہونے والی دونوں لڑکیوں کو قتل کرنے سے پہلے ہی جنسی زیادتی کا نشانہ بنایا گیا تھا۔
پولیس نے بتایا کہ دونوں لڑکیوں (14 اور 16 سال) کی لاشیں جمعہ کی رات ابھیاکتی گاؤں میں ایک جنگل کے اندر درخت سے لٹکی ہوئی ملی تھیں۔ لاشوں کو پوسٹ مارٹم کے لئے کوکراجھار سول اسپتال بھیج دیا گیا۔
پولیس نے مقدمہ درج کر لیا ہے اور تفتیش جاری ہے۔ اس واقعے کے سلسلے میں اب تک کسی کو بھی گرفتار نہیں کیا جاسکا ہے۔