Two hybrid militants arrested دو ہائیبرڈ عسکریت پسند گرفتار

سوپور کے بوٹینگو زینگیر علاقے میں فورسز نے ان دو عسکریت پسندوں کو گرفتار کیا اور پولیس کے مطابق ان کی پہچان امتیاز احمد گنائی اور وسیم احمد لون کے طور پر ہوئی ہے۔

سوپور: شمالی کشمیر کے ضلع بارہمولہ کے سوپور میں لشکر طیبہ سے وابستہ دو ہائیبرڈ عسکریت پسندوں کو گرفتار کیا گیا ہے۔ اطلاعات کے مطابق جموں کشمیر پولیس، فوج، سی آر پی ایف کی ایک مشترکہ تلاشی کارروائی کے دوران دو عسکریت پسندوں کو گرفتار کیا گیا اور ان کے قبضے سے کچھ بارود بھی برآمد ہوا ہے۔

بتایا جا رہا ہے کہ سوپور کے بوٹینگو زینگیر علاقے میں فورسز نے ان دو عسکریت پسندوں کو گرفتار کیا اور پولیس کے مطابق ان کی پہچان امتیاز احمد گنائی اور وسیم احمد لون کے طور پر ہوئی ہے اور یہ دونوں سوپور کے بوٹینگو علاقے کے رہنے والے ہے۔ اس سلسلے میں سوپور پولیس نے ان کے خلاف ایک کیس درج کر کے مزید تحقیقات شروع کی ہے۔Two hybrid militants arrested in sopore