یادگیر میں اسپوکن انگلش کا دو روزہ ورکشاپ

الصمد ایجوکیشنل چیریٹبل اینڈ ویلفیئر ٹرسٹ یادگیر کی جانب سے ابوالکلام اردو سرکاری اسکول میں طلبا کے لئے دو روزہ اسپوکن انگلش کا ورکشاپ کا انعقاد عمل میں آیا۔

اس موقع پر شکیل احمد صدر عبدالکلام اسکول یادگیر نے کہا کہ انگریزی آج ہماری زندگی کا ایک اہم حصہ بن چکی ہے خاص کر طلبا و طالبات کو چاہیے کہ اپنی مادری زبان کے ساتھ ساتھ علاقائی زبان اور بین الاقوامی زبان انگریزی میں مہارت حاصل کریں۔

مہمان خصوصی عزیز اللہ سرمست ایڈیٹر روزنامہ کے بی این ٹائمز نے کہا کہ بچوں کو تعلیم کے ساتھ ساتھ اخلاق پر بھی زیادہ توجہ دینے کی ضرورت ہے۔ انہوں نے کہا کہ سند دیکھ کر تعلیم یافتہ ہونے کا پتہ چلتا ہے۔ مگر انسان کے رویے سے اس کی گفتگو سے اس کے اخلاق کا پتہ چلتا ہے۔

مبین احمد نے کہا کہ دیگر قوموں کے مقابلے میں مسلمانوں میں ایک سے زائد زبانوں کو بولنے، سمجنے اور لکھنے کی صلاحیت زیادہ ہوتی ہے۔ ضرورت ہے کہ بچوں کو دوران طالب علمی ہی ایک سے زائد زبانوں میں مہارت حاصل کی جائے۔

اسکول کی جانب سے تمام مہمانوں کی گل پوشی کی گئی اجلاس کا آغاز ساحرہ بانو طالبہ نویں جماعت کی قرآت کلام پاک سے ہوا جب کہ فردوس بیگم آٹھویں جماعت کی طالبہ نے نعت پاک کا نذرانہ پیش کیا۔