مظفر نگر: کانگریس پارٹی کے دو رہنماؤں نے پارٹی سے استعفیٰ دے دیا

مغربی اترپردیش میں کانگریس کو بڑا جھٹکا لگا ہے جہاں سابق رکن پارلیمان ہریندر ملک اور ان کے صاحبزادے سابق رکن اسمبلی پنکج ملک نے کانگریس کے عہدوں سے استعفیٰ دے دیا ہے۔

ریاست اترپردیش میں 2022 کے اسمبلی انتخابات جیسے جیسے نزدیک آرہے ہیں، سیاسی پارٹیوں میں بھی سرگرمیاں تیز ہوگئی ہیں۔ ضلع مظفر نگر میں کانگریس پارٹی کو بڑا جھٹکا لگا ہے۔

تقریباً 18 سال سے کانگریس پارٹی کے ساتھ کندھے سے کندھا ملاکر کھڑے رہنے والے کانگریس پارٹی کے سینیئر رہنما اور سابق ایم پی ہریندر ملک اور ان کے صاحبزادے پنکج ملک نے کانگریس پارٹی کے سبھی عہدوں سے استعفیٰ دے دیا ہے۔

دونوں رہنماؤں نے اپنا اپنا استعفیٰ نامہ پارٹی ہائی کمان کو ارسال کردیا ہے۔ سابق ایم پی ہریندر ملک نے اس سلسلے میں پریس کانفرنس کرکے صحافیوں کو معلومات دی۔