Bike Theft Cases in Ajmer اجمیر میں موٹر سائیکل چوری کے الزام میں دو ملزمین گرفتار

اجمیر شہر میں گاڑیوں کی چوری کے واقعات میں مسلسل اضافہ ہوتا جا رہا ہے۔ چوری کے واقعات کو دیکھتے ہوئے پولیس اور انتظامیہ پوری طرح مستعد ہے۔ اسی سلسلے میں رام گنج پولیس نے موٹر سائیکل چوری کے الزام میں دو ملزمین کو گرفتار کیا ہے۔ Two Accused Of Motorcycle Theft Arrested in Ajmer

راجستھان کے اجمیر شہر میں گاڑیوں کی چوری کے واقعات میں مسلسل اضافہ ہوتا جا رہا ہے۔ چوری کے واقعات کو دیکھتے ہوئے پولیس اور انتظامیہ پوری طرح مستعد ہے۔ اسی سلسلے میں رام گنج پولیس نے موٹر سائیکل چوری کے الزام میں دو ملزمین کو گرفتار کیا ہے۔ تفصیلات کے مطابق چند روز قبل تارا گڑھ روڈ پر واقع نیمی چائے کی دکان کے قریب سے ہیرو اسپلنڈر موٹر سائیکل چوری ہوئی تھی۔ اس سلسلے میں پولیس نامعلوم چوروں کی تلاش کر رہی تھی۔

تفتیش کے دوران پولیس نے اس معاملے میں سومل پور کے رہنے والے نور محمد اور مشتاق علی کو گرفتار کیا۔ ملزمان کے قبضے سے مسروقہ موٹر سائیکل بھی برآمد کر لی گئی ہے۔ پولیس ملزم سے تفتیش میں مصروف ہے۔ واضح رہے کہ شہر میں گاڑیوں کی چوری کی بڑھتی ہوئی وارداتوں سے عوام سخت پریشان ہے۔ ایسے میں پولیس کی کارروائی سے عوام کو چوری کی وارداتوں سے راحت ملنے کی امید ہے۔