ٹویٹر صارف کی وزیر اعظم اور یوگی آدتیہ ناتھ کو دھمکی

ڈی سی پی (کرائم) پرمود کمار تیواری نے بتایا کہ "یہ اکاؤنٹس عام طور پر فراڈ ہوتے ہیں اور اس میں غلط ناموں کا استعمال کیا جاتا ہے۔ جب تک تحقیقات مکمل نہیں ہو جاتی اور کوئی مستند نام نہیں مل جاتا، اس کو ظاہر نہیں کیا جا سکتا، ملزمان کو گرفتار کیا جائے گا اور سخت کارروائی کی جائے گی۔''

اتوار کے روز ایک ٹویٹر صارف نے وزیر اعظم نریندر مودی اور اتر پردیش کے وزیر اعلی یوگی آدتیہ ناتھ کو بم سے ہلاک کرنے کی دھمکی دی ہے، جس کے بعد یوپی پولیس نے تحقیقات شروع کر دی ہے۔

ڈی سی پی (کرائم) پرمود کمار تیواری نے کہا کہ "یہ معاملہ اس وقت سامنے آیا، جب ہمیں یو پی 112 (پولیس ہیلپ لائن) سے دھمکی کی اطلاع ملی۔ ایسا لگتا ہے کہ یہ کچھ شرارت کرنے والوں کا کام ہے۔"

انہوں نے بتایا کہ "یہ اکاؤنٹس عام طور پر فراڈ ہوتے ہیں اور اس میں غلط ناموں کا استعمال کیا جاتا ہے۔ جب تک تحقیقات مکمل نہیں ہو جاتی اور کوئی مستند نام نہیں مل جاتا، اس کو ظاہر نہیں کیا جا سکتا، ملزمان کو گرفتار کیا جائے گا اور سخت کارروائی کی جائے گی۔''

ان کا مزید کہنا تھا کہ اس حوالے سے ٹوئٹر سے معلومات بھی طلب کی گئی ہے۔

یہ معاملہ سنگین ہے کیونکہ دھمکیاں دینے کے علاوہ قابل اعتراض تبصرے بھی کیے گئے تھے، تیواری نے کہا کہ ماضی میں بھی ایسی دھمکیاں دی گئی تھیں۔