تمل ناڈو: ایم آئی ایم کا ٹی ٹی وی دھناکرن کے ساتھ اتحاد

اسمبلی انتخابات کے پیش نظر جنوبی ریاست تمل ناڈو میں اسد الدین اویسی نے ٹی ٹی وی دھناکرن کے ساتھ اتحاد کیا ہے۔

اے آئی ایم آئی ایم نے ششی کلا کے بھتیجے ٹی ٹی وی دھناکرن کے ساتھ مل کر تمل ناڈو اسمبلی انتخابات میں حصہ لینے کا فیصلہ کیا ہے۔

کہا جا رہا ہے کہ دھناکرن کی نظریں اقلیتی ووٹ پر ہے اس لیے اس نے ایم آئی ایم سے ہاتھ ملایا ہے جبکہ تمل ناڈو میں اقلیتی کا رجحان کانگریس اور ڈی ایم کے کی جانب سے لیکن اسد اویسی کی آمد سے انہیں اقلیتی ووٹوں کا نقصان ہونے کا خدشہ ہے۔

ٹی ٹی وی دھناکرن کے ساتھ اتحاد کے بعد ایم آئی ایم کو 3 سیٹیں دی گئی ہیں جس کے بعد ایم آئی ایم نے آئندہ اسمبلی انتخابات میں ونیامباڈی، کرشناگِری اور سنکاراپورم میں الیکشن لڑے گی۔