سچ ڈرتا نہیں: راہل گاندھی

کانگریس کے سابق صدر راہل گاندھی نے کہا کہ مبینہ کووڈ ٹول کٹ کیس میں دہلی پولیس کی جانب سے مائیکرو بلاگنگ ویب سائٹ ٹویٹر کے دفاتر پر چھاپے مارے جانے کے ایک دن بعد کہا کہ سچ ڈرتا نہیں ہے۔

کانگریس کے رہنما راہل گاندھی نے مبینہ 'کووڈ ٹول کٹ' کیس میں دہلی پولیس کی جانب سے مائیکرو بلاگنگ ویب سائٹ ٹویٹر کے دفاتر پر چھاپے مارے جانے کے ایک دن بعد کہا کہ سچ ڈرتا نہیں ہے۔ انہوں نے ہیش ٹیگ ٹول کٹ کے ساتھ ٹویٹ کیا، سچ ڈرتا نہیں۔

ٹویٹ

دہلی پولیس کے خصوصی سیل کی ٹیم نے مبینہ کووڈ ٹول کٹ کیس کی جانچ کے سلسلے میں ٹویٹر انڈیا کے دہلی اور گروگرام واقع دفاتر پر پیر کی شام چھاپہ مارا۔

پولیس کے ایک سینئر عہدیدار نے بتایا کہ خصوصی سیل نے مبینہ کووڈ 19 ٹول کٹ سے متعلق شکایت کو لے کر ٹویٹر کو نوٹس بھیجا اور بی جے پی رہنما سمبت پاترا کے ٹویٹ کو 'چھیڑ چھاڑ کیا ہوا' بتانے کو لے کر مائیکرو بلاگنگ سائٹ سے وضاحت مانگی تھی۔ گزشتہ ہفتے ٹویٹر نے مبینہ 'ٹول کٹ' سے متعلق سمبت پاترا کے ٹویٹ کو چھیڑ چھاڑ کیا ہوا بتایا تھا۔

بی جے پی کا الزام ہے کہ کانگریس نے ایک ٹول کٹ بنا کر کورونا وائرس کی نئی شکل کو 'بھارتی شکل' یا 'مودی فارم' بتایا اور ملک کے وزیر اعظم نریندر مودی کی شبیہہ کو داغدار کرنے کی کوشش کی۔

حالانکہ کانگریس نے ان الزامات کو مسترد کرتے ہوئے یہ دعویٰ کیا تھا کہ بی جے پی اسے بدنام کرنے کے لئے فرضی 'ٹول کٹ' کا سہارا لے رہی ہے۔ کانگریس نے بی جے پی کے کئی سینئر رہنماؤں کے خلاف پولیس میں 'جعلسازی' کا مقدمہ بھی درج کرایا ہے۔