Tripura Assembly Election 2023 کھڑگے نے عوام سے ووٹ ڈالنے کی اپیل کی

تریپورہ اسمبلی الیکشن 2023 کے لیے آج صبح سے ووٹنگ جاری ہے۔ اس دوران تمام سیاسی جماعت کے رہنما عوام سے حق رائے دہی کے استعمال کی اپیل کر رہے ہیں۔ وہیں کانگریس کے صدر ملکارجن کھڑگے نے بھی تریپورہ کے عوام سے زیادہ سے زیادہ تعداد میں ووٹ ڈالنے کی اپیل کی ہے۔ Mallikarjun Kharge appealed to voters

نئی دہلی:کانگریس کے صدر ملکارجن کھڑگے نے جمعرات کے روز عوام سے تری پورہ اسمبلی کی 60 رکنی سیٹوں کے لئے جاری پولنگ میں اپنے حق رائے دہی کا استعمال کرنے کی اپیل کی۔ ملکارجن کھڑگے نے ٹویٹ کیا کہ میں ہر ایک سے خاص طور پر نوجوانوں سے گزارش کرتا ہوں کہ وہ ووٹ دینے کے لیے گھروں سے نکلیں اور جمہوریت کے اس جشن کو مضبوط کریں اور امن و ترقی کے لیے ووٹ دیں۔ بغیر کسی خوف کے ووٹ دیں۔

انہوں نے کہا کہ تریپورہ کے لوگ ریاست میں تبدیلی لانے کے لیے متحد ہیں۔ ریاست کے 60 اسمبلی حلقوں میں آج صبح 7 بجے سے ووٹنگ شروع ہو گئی ہے۔ ووٹنگ کے لیے 3328 پولنگ مراکز بنائے گئے ہیں۔ ریاست میں 13.98 خواتین ووٹرز سمیت تقریباً 28.23 لاکھ ووٹرز آج اپنے حق رائے دہی کا استعمال کریں گے۔ تمام ووٹرز 259 امیدواروں کے مستقبل کا فیصلہ کریں گے۔ جس میں وزیر اعلیٰ مانک ساہا اور مرکزی وزیر پرتیما بھومک کی قسمت بھی شامل ہے۔ ووٹنگ شام 4 بجے تک ہوگی۔ انتخابی نتائج 2 مارچ کو آئیں گے۔

اس قبل وزیراعظم نریندر مودی نے بھی ٹویٹ کرکے تری پورہ کی عوام خاص طور پر نوجوانوں سے اپنے حق رائے دہی کے استعمال کی اپیل کی۔ انہوں نے ٹویٹ کرتے ہوئے لکھا کہ میں تریپورہ کی عوام سے اپیل کرتا ہوں کہ وہ ریاست میں جاری ووٹنگ میں بڑھ چڑھ کر حصہ لیں اور جمہوریت کے اتسو کو مضبوط کریں اور ووٹنگ کے اس عمل میں خاص طور پر نوجوان بڑھ چڑھ کر حصہ لیں اور اپنے حق رائے دہی کا استعمال کریں۔ بتادیں کہ صبح 11 بجے تک 31. 23 فیصد ووٹنگ ہوئی ہے۔