لتا منگیشکر کے انتقال سے ملک نے ہندوستانی موسیقی اور فلمی صنعت کی دنیا میں ایک لیجنڈ پلے بیک سنگر، ایک ہمدرد انسان اور ایک بلند پایہ شخصیت کو کھو دیا ہے۔ ان کا انتقال ایک دور کے خاتمے کا نشان ہے اور موسیقی کی دنیا میں ناقابل تلافی خلا پیدا ہوا ہے۔
ذرائع نے بتایا کہ لوک سبھا میں بھی اسپیکر اوم برلا 4 بجے ایوان کی کارروائی شروع ہونے کے فوراً بعد تعزیتی پیغام پڑھ کر سنائیں گے اور کارروائی ایک گھنٹے کے لیے ملتوی کر دی جائے گی۔
یہ بھی پڑھیں:
بھارت رتن لتا منگیشکر کی 92 برس کی عمر میں انتقال ہوگیا ہے، اسکی اطلاع مرکزی وزیر نتن گڈکری اور لتا منگیشکر کی بہن اوشا منگیشکر نے دی ہے۔
آپکو بتادیں کہ تقریباً چھ دہائیوں سے اپنی بے مثال اور جادوئی آواز میں 20 سے بھی زائد زبانوں اور پچاس ہزار سے بھی زیادہ نغموں کو اپنی آواز دے کر گنیز بک آف ورلڈ ریکارڈ میں نام درج کرانے والی موسیقی کی دیوی لتا منگیشکر نے کئی برسوں تک مداحوح کے دلوں پر راج کیا۔ لتا منگیشکر 28 ستمبر 1929ء کو اندور میں پیدا ہوئیں۔ لتا منگیشکر کا اصلی نام ہیما ہریکدر ہے۔