کیرل: ٹرین کے پارسل کوچ میں آگ لگی، مسافرین محفوظ

کیرل میں ورکلا اسٹیشن کے نزدیک اتوار کو مالا بار ایکسپریس کے پارسل کوچ میں آگ لگ گئی لیکن مسافروں کی کی چوکسی سے کوئی بڑا حادثہ نہیں ہوا۔

اڈاوا ریلوے اسٹیشن کے قریب اتوار کی صبح 7:47 بجے یہ حادثہ پیش آیا۔تاہم اس حادثے میں کسی کے مرنے کی اطلاع نہیں ہے۔

ذرائع کے مطابق پارسل کوچ میں آگ لگنے اور دھنوا نکلنے کا پتہ چلتے ہی کوچ کے مسافروں نے فوری طورپر چین کھینچ کر ٹرین رکوادی۔

حادثے کی اطلاع ملتے ہی موقع پرپہنچی فائر بریگیڈ گاڑیوں نے آگ پر قابو پالیا۔ آگ لگنے کے اسباب کا ابھی پتہ نہیں چل سکا ہے۔

انہوں نے بتایا کہ آگ لگنے کے اسباب کا پتہ لگانے کے لئے فارنسک ماہرین کو طلب کیا گیا ہے۔