ٹوکیو میں جاری پیرالمپکس میں بھارت کی اونی لیکھرا نے شوٹنگ میں طلائی تمغہ جیتا۔ 19 سالہ شوٹر نے خواتین کی 10 میٹر ایئر رائفل کی کلاس 1 ایس ایچ میں پہلی پوزیشن حاصل کی۔ انہوں نے نے 249.6 اسکور کیا اور سرفہرست رہی۔ پیرالمپکس کی تاریخ میں شوٹنگ میں بھارت کا یہ پہلا طلائی تمغہ ہے۔
ٹوکیو پیرالمپکس میں بھارت کی اس تاریخی جیت پر وزیر اعظم نریندر مودی نے اونی لیکھرا کو ٹویٹ کے ذریعے مبارک باد پیش کی۔
دوسری طرف بھارتی ایتھلیٹ یوگیش کتھونیا نے ڈسکس تھرو میں F56 میں چاندی کا تمغہ جیتا۔
یوگیش کتھونیا کے اس جیت پر وزیر داخلہ امت شاہ نے انہیں ٹویٹ کے ذریعے مبارک باد پیش کی۔
اس جیت کی مبارکباد کانگریس کے سابق صدر اور رکن پارلیمان راہل گاندھی اور صدر جمہوریہ رامناتھ کووند نے بھی ٹویٹ کے ذریعے دی۔
وہیں اتوار کے روز بھاوینا بین پٹیل نے خواتین کے سنگلز ٹیبل ٹینس ایونٹ کلاس 4 اور نشاد کمار نے مردوں کے T47 ہائی جمپ ایونٹ میں چاندی کے تمغے جیتے۔
تو وہیں ڈسکس تھرو ایتھلیٹ ونود کمار نے اتوار کو ٹوکیو پیرالمپکس میں ایشیائی ریکارڈ کے ساتھ مردوں کی F52 ایونٹ میں کانسے کا تمغہ جیتا۔