ٹوکیو اولمپک: کُشتی میں بھارت کو ملا میڈل

ٹوکیو اولمپک میں بھارتی پہلوان بجرنگ پونیا نے کُشتی میں کانسے کا تمغہ جیتا۔

بجرنگ پونیا نے قزاقستان کے پہلوان کو 0-8 سے شکست دے کر برونز میڈل جیتا۔

پہلوان بجرنگ پونیا نے ٹوکیو اولمپک میں تیسری پوزیشن کے مقابلے میں شاندار کارکردگی کا مظاہرہ کرتے ہوئے قزاقستان کے کھلاڑی دولت نیاز بیکوف کو 0-8 سے شکست دے کر کانسہ کا تمغہ جیتا۔

ٹوکیو اولمپک میں مجموعی طور پر یہ بھارت کا چھٹا تمغہ ہے۔ اس کے ساتھ ہی بھارت نے 2012 کے لندن اولمپک میں اپنے 6 تمغوں کی بہترین کارکردگی کی برابری کرلی ہے۔

بھارت کے پہلوان بجرنگ پونیا کے مَردوں کے فری اسٹائل 65 کلوگرام زمرے میں کانسہ کا تمغہ جیتنے پر ان کے والد نے اپنی خوشی ظاہر کرتے ہوئے کہا 'میرے بیٹے نے میرا خواب کو پورا کردیا۔