وزیر اعظم نریندر مودی نے ٹوکیو اولمپکس میں شاندار کارکردگی کا مظاہرہ کرکے کشتی کے مقابلے میں کانسی کا تمغہ حاصل کرنے والے پہلوان بجرنگ پونیا کو مبارکباد دیتے ہوئے کہا ہے کہ ’’ہر ہندوستانی کو ان پر فخر ہے۔‘‘
وزیر اعظم نے ہفتہ کو ایک ٹویٹ میں کہا ’’ٹوکیو سے بڑی خوشخبری آئی ہے۔ بجرنگ پونیا نے بہت بڑا مقابلہ کیا۔ اس کامیابی کے لیے نیک خواہشات۔ اس سے ہر ہندوستانی خوشی اور فخر محسوس کر رہا ہے۔‘‘
قابل ذکر ہے کہ بجرنگ پونیا نے فری سٹائل ریسلنگ کے 65 کلوگرام کے زمرے میں قزاخستان کے ایک پہلوان کو شکست دے کر کانسی کا تمغہ حاصل کیا ہے۔