TN Govt to Appoint VCs: وائس چانسلرز کی تقرری کا اختیار حکومت کو دینے والا بل تملناڈو اسمبلی میں منظور

تمل ناڈو اسمبلی نے پیر کو ایک بل منظور کیا جس میں ریاست کی مختلف یونیورسٹیوں میں وائس چانسلرز کی تقرری کا اختیار ریاستی حکومت کو دیا گیا ہے۔ اس اقدام کے ذریعہ گورنر کا اختیار ختم کر دیا گیا۔ TN Government to Appoint VCs

چنئی: اعلی تعلیم کے وزیر کے پونموڈی نے ریاستی حکومت کو یونیورسٹیوں میں وائس چانسلرز کی تقرری کی اجازت دینے کے لیے تمل ناڈو یونیورسٹیز قوانین میں ترمیم کرنے کا بل پیش کیا۔ بی جے پی نے تعارفی مرحلے پر بل کی مخالفت کی جب کہ مرکزی اپوزیشن اے آئی اے ڈی ایم کے نے آنجہانی وزیراعلی جے للیتا پر کانگریس لیجسلیچر پارٹی کے لیڈر کے سیلواپرونتھاگئی کے ریمارک پر بل کی منظوری سے قبل واک آؤٹ کیا۔ TN Government to Appoint VCs

قبل ازیں وزیراعلی ایم کے اسٹالن نے ارکان سے حکومت کے اقدام کی حمایت کرنے کی اپیل کرتے ہوئے کہا کہ گجرات میں بھی، وزیراعظم نریندر مودی کی آبائی ریاست گجرات میں وائس چانسلر کی تقرری گورنر نہیں بلکہ ریاستی حکومت کرتی ہے۔ تلنگانہ اور کرناٹک سمیت دیگر ریاستوں کا بھی یہی حال ہے۔ اپوزیشن پی ایم کے نے بل کی حمایت کی۔