ترنمول کانگریس اور بی جے پی کے حامیوں کے درمیان جھڑپ

کوچ بہار کے دن ہاٹا میں ترنمول کانگریس اور بی جے پی کے حامیوں کے درمیان جھڑپ میں متعدد افراد زخمی ہو گئے۔

مغربی بنگال میں منعقد ہونے والے اسمبلی انتخابات کے مدنظر سیاسی جماعتوں کے حامیوں کے درمیان جھڑپوں کا سلسلہ جاری ہے۔ ریاست کے تمام اضلاع میں حکمراں جماعت ترنمول کانگریس اور بی جے پی کے حامیوں کے درمیان جھڑپوں کی اطلاع موصول ہو رہی ہیں۔

کوچ بہار کے دن ہاٹا میں ترنمول کانگریس اور بی جے پی کے حامیوں کے درمیان جھڑپ میں متعدد افراد زخمی ہو گئے، دونوں جانب سے فائرنگ کا تبادلہ بھی ہوا، پولیس نے جائے وقوع پر پہنچ کر حالات کو قابو میں کیا اور زخمیوں کو ضلع صدر ہسپتال میں داخل کرایا گیا۔

پولیس نے کہا کہ فائرنگ اور جھڑپوں کی اطلاع موصول ہوئی ہے، اس معاملے میں متعدد افراد کو حراست میں لیا گیا ہے، مزید تحقیقات جاری ہے۔

بی جے پی کے رہنما نے الزام لگایا کہ ترنمول کانگریس کے حامیوں نے بی جے پی کے کارکن کو شدید طور پر زخمی کرنے کے بعد ا کی آنکھ نکال کر لے گئے۔

ترنمول کانگریس کے رہنما نے بی جے پی کے الزام کو بے بنیاد قرار دیا، ان کا کہنا تھا کہ 'بی جے پی کے حامیوں نے علاقے میں فائرنگ کی اور بموں سے حملہ کیا۔'