Kupwara Encounter Update: کپواڑہ تصادم میں تین عسکریت پسند اور ایک آرمی پورٹر ہلاک

سرحدی ضلع کپواڑہ کے جمہ گنڈ علاقے میں جمعرات کی صبح سیکورٹی فورسز اور عسکریت پسندوں کے درمیان تصادم میں ایک فوجی پورٹر زخمی ہوا تھا جو ہسپتال میں زخموں کی تاب نہ لا کر چل بسا۔ اس تصادم میں لشکر طیبہ سے تعلق رکھنے والے تین عسکریت پسند ہلاک ہوئے ہیں۔ Kupwara Encounter Update

کپواڑہ:جموں و کشمیر کے سرحدی ضلع کپواڑہ کے جمہ گنڈ علاقے میں سکیورٹی فورسز کے ساتھ تصادم میں تین عدم شناخت عسکریت پسند ہلاک ہوئے ہیں۔ پولیس کے ایک ترجمان نے بتایا کہ سکیورٹی فورسز کو یہ اطلاع موصول ہوئی کہ سرحدی ضلع کپواڑہ کے جمہ گنڈ علاقے میں دراندازی کے ذریعے عسکریت پسند اس طرف آنے میں کامیاب ہوئے جس کے بعد سکیورٹی فورسز نے علاقے کو محاصرے میں لے کر عسکریت پسند مخالف آپریشن شروع کیا۔ Militants Killed in Kupwara

کپواڑہ تصادم میں تین عسکریت پسند اور ایک آرمی پورٹر ہلاک

انہوں نے بتایا کہ تلاشی آپریشن کے دوران علاقے میں محصور عسکریت پسندوں نے فورسز پر اندھا دھند فائرنگ شروع کی جس کے بعد فوج نے جوابی کارروائی شروع کی۔ پولیس کے مطابق کچھ دیر تک جاری رہنے والی اس جھڑپ میں تین عسکریت پسند ہلاک کیے گئے جن کی شناخت اور کے بارے میں جانچ پڑتال شروع کی گئی ہے۔

اس انکاوئنٹر میں ایک آرمی پورٹر بھی زخمی ہوا تھا جو ہسپتال میں زخموں کی تاب نہ لا کر چل بسا۔ فوجی پورٹر کی شناخت عبدالطیف میر ولد مجید میر ساکن کچی بان جمہ گنڈ کے بطور ہوئی ہے۔ اگرچہ زخمی فوجی پورٹر کو علاج ومعالجہ کی خاطر ہسپتال منتقل کیا گیا تاہم کچھ گھنٹوں تک موت و حیات کی کشمکش میں مبتلا رہنے کے بعد وہ چل بسا۔Army Porter Killed in Kupwara Encounter

دریں اثنا کشمیر پولیس زون ایک ٹویٹ میں آئی جی پی کشمیر وجے کمار کا حوالہ دیتے ہوئے لکھا کہ کپواڑہ میں انکاؤنٹر میں تینوں عسکریت پسند مارے گئے، جن کا تعلق کالعدم عسکریت پسند تنظیم لشکر طیبہ سے تھا۔ ان کی شناخت کا پتہ لگایا جا رہا ہے۔ اسلحہ اور گولہ بارود سمیت مجرمانہ مواد برآمد کیا۔