ششیکلا کی حمایت پر اے آئی اے ڈی ایم کے، کے تین رہنما معطل

تملناڈو میں برسر اقتدار اے آئی اے ڈی ایم کے نے پارٹی کی سابق سربراہ جے للتا کی قریبی اور پارٹی سے معطل رہنما وی کے ششیکلا کی حمایت اور خیر مقدم میں پوسٹر لگوانے والے پارٹی کے تین رہنماوں کو منگل کے روز پارٹی سے معطل کر دیا۔

اے آئی اے ڈی ایم کے‘ کے کوآرڈینیشن اور نائب وزیراعلیٰ او پنیرسیلوم، کوآرڈینیٹر اور وزیر اعلیٰ ای کے پلانی سوامی نے مشترکہ بیان جاری کرکے پارٹی کے تین عہدیداران کے مبینہ طور پر پارٹی مخالف سرگرمیوں میں شامل رہنے کے الزام میں پارٹی سے خارج کرنے کا اعلان کیا۔

جن عہدیداران کو پارٹی سے نکال دیا گیا ہے، ان میں ضلع تھینی کے انڈیپتّی (مغرب) پنچایت یونین ایم جی آر مندرم کے صدر ایم چِنّا راجہ، تیروچی کے تیروویرومبر (مشرق) کے اے این سوامی ناتھن اور ضلع مائیلدوتورَے کے سیمبنرکوئل (شمالی) کے اقلیتی امور کے سکریٹری اے قطب الدین شامل ہیں۔

قبل ازیں ششیکلا کی آمدنی سے زائد اثاثے کے معاملے میں کرناٹک کے دارالحکومت بنگلور کے سینٹرل جیل میں چار برسوں کی سزا کاٹنے کے بعد گذشتہ 27 جنوری کو رہا ہو کر ان کے خیرمقدم میں ان کے حامیوں نے تملناڈو کے مختلف علاقوں میں پوسٹر اور بینر لگائے ہیں۔

پلانی سوامی نے واضح طور پر کہا کہ اے آئی اے ڈی ایم کے میں ششیکلا کے لیے کوئی جگہ نہیں ہے اور انھیں پارٹی میں دوبارہ شامل نہیں کیا جائے گا۔