ممبئی کے مسلم اکثریتی علاقے اگریپاڈہ علاقے میں اردو لرننگ سینٹر کو لیکر بڑے بڑے بینر آویزاں کئے گئے تھے، جس میں اس بات کو لیکر مقامی شیوسینا کے رکن اسمبلی یامنی یشونت جادھو کے ذریعه اس بارے میں کہا گیا کہ یہ جگہ اردو لرننگ سینٹر کے لئے مختص کی گئی ہے۔ Urdu Learning Center In Mumbai
ای ٹی وی بھارت نے اس معاملے کی پڑتال کی اور خبر شائع کیا جس کے بعد جو بورڈ لگایا گیا تھا وہ بورڈ نکال دیا گیا ہے۔ ہم نے اس جگہ کا جائزہ لیا جس کے بعد ہم نے دیکھا کہ پہلے جو بورڈ لگا تھا اسے نکال دیا گیا ہے۔
ای ٹی وی بھارت نے یمنی یشونت جادھو کے شوہر یشونت جادھو سے بات کی جو کہ اسٹینڈنگ کمیٹی کے چیئرمین ہیں۔ انہوں نے کہا کہ ہم نے یہ تجویز رکھی ہے، جب ہم نے اس زمین کے بارے میں ان سے بات کی اور اسٹیٹ گورنمنٹ کے ذریعه کسی طرح کی این او سی جاری گئی ہے تو اس کی کاپی دیں لیکن وہ یہ کاپی دینے سے قاصر رہے۔
در اصل ممبئی میں بلدیاتی انتخاب کی ہلچل کے ساتھ ہر سیاسی پارٹی ووٹوں کے ذخیرے کو اکٹھا کرنے کے لئے ہر حربے اپنا رہی ہیں اور اسی حربے میں اردو لرننگ سنٹر بھی شامل ہے کیونکہ اردو بھون کی تعمیر کو لیکر ممبئی کے کالینہ علاقے میں حکومت نے جگہ مختص کی ہے۔ اب ایسے میں اہم سوال یہ اٹھتا ہے کہ اگر محکمہ بی ایم سی نے یہ جگہ اردو لرننگ سینٹر کے لئے مختص کی ہے تو مرکزی حکومت نے اب تک یہ جگہ ان کے سپرد کیوں نہیں کی؟