'حکومت نے بے روزگاری، مہنگائی اور اپنے دوستوں کی کمائی بڑھائی'

کانگریس پارٹی کے سابق صدر راہل گاندھی نے مرکزی حکومت کو تنقید کا نشانہ بناتے ہوئے کہا کہ' حکومت نے بے روزگاری، مہنگائی اور صرف اپنے دوستوں کی کمائی بڑھائی'۔

نئی دہلی: کانگریس پارٹی کے سابق صدر و رکن پارلیمان راہل گاندھی ان دنوں آسام میں اسمبلی انتخابات کے لیے تشہیری مہم میں مصروف ہیں اور بی جے پی حکومت کو تنقید کا نشانہ بنارہے ہیں۔ گذشتہ دنوں انہوں نے ایک عوام سے خطاب کرتے ہوئے کہا تھا کہ' نفرت، بے روزگاری اور تشدد برائے راست تعلق ہے، اگر بے روزگاری بڑھے گی تو نفرت اور تشدد بھی بڑھے گا'۔

بے روزگاری اور بڑھتی مہنگائی پر مودی حکومت کو تنقید کا نشانہ بناتے ہندی اخبار کی خبر کو شیئر کرتے ہوئے ٹویٹر پر لکھا کہ' اس حکومت نے کیا بڑھایا؟ بے روزگای، مہنگائی، غریبی اور صرف اپنے دوستوں کی کمائی۔'

اس حکومت نے بے روزگاری، مہنگائی اور اپنے دستوں کی کمائی بڑھائی

جس کٹنگ کو انہوں نے شیئر کیا اس کے مطابق کورونا سے پہلے 9.9 کروڑ لوگ اوسطاً آمدنی کا حصہ تھے جن کی تعداد 6.6 کروڑ رہ گئی ہے'۔

ہندی اخبار کے مطابق سنہ 2011 سے 2019 کے درمیان میں قریب 5.7 کروڑ لوگ کم از کم آمدنی سے نکل کر اوسطاً آمدنی کاحصہ بنے تھے۔ اخبار کے مطابق کورونا وبا کے بعد ملک میں 3.3 کروڑ سے زائد ایسے خط افلاس کے نیچے پہنچ گئے۔