Tokyo Olympics: اولمپکس کا 13واں دن: ان کھلاڑیوں سے توقعات

ٹوکیو اولمپکس میں اب تک بھارت کی کارکردگی شاندار رہی ہے۔ بھارت اب تک مجموعی طور پر دو تمغے جیت چکا ہے۔ وہیں خواتین باکسنگ میں بھی بھارت کا ایک تمغہ پکا ہے۔

ٹوکیو اولمپکس میں اب تک بھارت کی کارکردگی شاندار رہی ہے۔ بھارت کو ابھی بھی اولمپک کھیلوں میں تمغے کی امید ہے جو اپنے آخری مراحل میں پہنچ چکی ہے۔ میرابائی چانو نے بھارت کے لیے ویٹ لفٹنگ میں چاندی جب کہ پی وی سندھو نے بیڈمنٹن میں کانسے کا تمغہ جیتا ہے۔

واضح رہے کہ مجموعی طور پر بھارت نے اس اولمپکس میں دو تمغے جیتے ہیں۔ باکسنگ میں بھارت کا تیسرا تمغہ بھی کنفرم ہوگیا ہے۔ بھارتی باکسر لولینا بورگوہن نے 69 کلوگرام وزن کے زمرے میں سیمی فائنل میں پہنچ کر ملک کے تیسرے تمغے کو یقینی بنایا ہے۔

وہیں ٹوکیو اولمپکس کا 12واں دن بھارت کے لیے مایوس کن رہا۔ بھارت کے اسٹار شاٹ پٹ کھلاڑی تیجندر پال سنگھ تور فائنل کی دوڑ سے باہر ہوگئے ہیں۔ اس سے قبل ہاکی میں بھارت کی مردوں کی ٹیم سیمی فائنل ہار گئی تھی۔ ٹیم انڈیا کے پاس ابھی بھی تمغہ جیتنے کا موقع ہے۔ اب وہ کانسے کے تمغے کے لیے کھیلے گی۔ وہیں سونم ملک بھی ریسلنگ میں ہار گئیں۔