کلنگام مارکیٹ میں بنیادی سہولیات کا فقدان

جموں و کشمیر کے کلنگام کی مارکیٹ انتظامیہ کی عدم توجہی کا شکار ہے جہاں صاف طور پر بنیادی سہولیات کا فقدان نظر آتا ہے۔ مارکیٹ میں جگہ جگہ گندگی کے ڈھیر لگے ہوئے ہیں۔ پانی اور پیسنجر شیڈ کی عدم دستیابی کے سبب مارکیٹ میں مقیم تقریبا 350 کاروباریوں کو سخت پریشانیوں کا سامنا کرنا پڑتا ہے۔

مارکیٹ کے صدر فیاض احمد نے کہا کہ کلنگام مارکیٹ کو ہندواڑہ مارکیٹ کا آئینہ مانا جاتا ہے لیکن انتظامیہ اس طرف بہت کم توجہ دے رہی ہے اور یہ مارکیٹ انتظامیہ کی نظروں سے بالکل اوجھل ہے۔

انہوں نے کہا کلنگام مارکیٹ مونسپل حکام ہندواڑہ کے حدود میں آتا ہے اور ان تاجروں کی فیس بھی لی جارہی ہے لیکن صاف و صفائی کا نام و نشان نہیں ہے۔

انہوں نے کہا کہ مارکیٹ میں بیت الخلا نہ ہونے کی وجہ سے یہاں موجود دکانداروں اور مسافروں کو بھی سخت مشکلات کا سامنا کرنا پڑرہا ہے۔

مارکیٹ کے صدر فیاض احمد نے گورنر انتظامیہ اور ضلع ترقیاتی کشمنر کپواڑہ امام الدین سے مطالبہ کیا ہے کہ مارکیٹ کی طرف توجہ دی جائے۔