PM Narendra Modi آسکر انعام یافتہ ’دی الیفنٹ وسپرس‘ کی ٹیم نے مودی سے ملاقات کی

تمل ناڈو کے مدوملائی نیشنل پارک کے ماحول میں بنائی گئی دستاویزی فلم اس جنگلاتی علاقے کی قدرتی خوبصورتی کو بھی اجاگر کیا گیا ہے۔

نئی دہلی، قومی دارلحکومت دہلی میں وزیر اعظم نریندر مودی نے جمعرات کو آسکر جیتنے والی دستاویزی فلم ’دی الیفنٹ وسپرس‘ کے پروڈیوسر گنیت مونگااور کارتک گونجالیس سے ملاقات کی۔امریکہ نے حال ہی میں منعقد 95ویں اکیڈمی ایوارڈ کی تقریب میں ’دی الیفنٹ وسپرس‘ کو ’بہترین دستاویزی فلم‘کا ایوارڈ دیا گیا۔ وزیر اعظم مودی نے اپنی رہائش گاہ پر ’دی الیفنٹ وسپرس‘ کی ٹیم سے اپنی اس ملاقات کی معلومات ٹوئیٹر پر فوٹو کے ساتھ دی ہے۔

انہوں نے لکھا،’دی الیفنٹ وسپرس‘ کی سنیما با صلاحیت اور کامیابی نے دنیا کی توجہ حاصل کی ہے اور تعریف بھی حاصل کی ہے۔آج اس سے وابستہ باصلاحیت ٹیم سے ملنے کا موقع ملا۔ ان لوگوں نے ہندوستان کو بہت فخر محسوس کرایا ہے۔نریندر مودی کے ٹویٹ کو ریٹویٹ کرتے ہوئے، گنیت نے کہا،”محترم پی ایم @نریندر مودی سر،ہم آج آپ سے مل کر اور آپ کے ساتھ اس آسکر کا شیئر کرکے واقعی فخر محسوس کر رہے ہیں، جنہوں نے بھارت کے لئے ’دی ایلیفینٹ وِسپرز‘کے لیے جیتا ہے۔“انہوں نے ملاقات کے ان یادگار لمحات اور وزیر اعظم سے ملنے والی تعریف کے لئے ان کا شکریہ ادا کیا ہے۔

تمل ناڈو کے مدوملائی نیشنل پارک کے ماحول میں بنائی گئی یہ دستاویزی فلم اس جنگلاتی علاقے کی قدرتی خوبصورتی کو بھی اجاگر کیا گیا ہے۔اس میں فطرت کے ساتھ ہم آہنگی میں قبائلی لوگوں کی زندگی کو بھی تلاش کرتا ہے۔ سکھیا انٹرٹینمنٹ کی طرف سے تیار کردہ، اس فلم کا ورلڈ پریمیئر 9 نومبر 2022 کو نیویارک فلم فیسٹیول میں ہواتھا۔

یو این آئی۔