تیس ستمبر تک پورے مدھیہ پردیس کو ویکسینیٹ کرنے کا ہدف

ریاست مدھیہ پردیش میں حکومت وقت کے ذریعے لگاتار کورونا وبا سے بچنے کے لیے ویکسینیشن بیداری مہم کے ساتھ ویکسینیشن مہا مہم بھی چلائی جا رہی ہے۔

ریاست کے وزیر برائے میڈیکل ایجوکیشن وشواس سارنگ نے نامہ نگاروں سے بات کرتے ہوئے کہا ہے کہ ریاست مدھیہ پردیش مسلسل ویکسینیشن کے معاملے میں ریکارڈ قائم کر رہا ہے اور ہمارا ہدف ہے کہ ہم 30 ستمبر تک پوری ریاست کو 100 فیصد ویکسینیٹ کردیں۔

انہوں نے کہا کہ ایسے لوگ بھی ہیں جو اپنے کاروبار یا ذرائع معاش کے سلسلے میں ریاست کے باہر ہیں۔ ان لوگوں کے علاوہ وہ محکمہ صحت کا عملہ لوگوں کے گھر جا کر ایک ایک کو ویکسین لگا رہا ہے۔ انہوں نے کہا کہ ایسے بھی لوگ سامنے آرہے ہیں جو ویکسین نہیں لگانا چاہتے۔ وہ اس بات کا خیال رکھیں کہ ویکسین لگانے سے ان کو کسی بھی طرح کی پریشانی یا کوئی بیماری ہو گئی، اس لئے ہم سب سے اپیل کرتے ہیں کہ وہ آگے آئے اور ویکسین ضرور لگائیں۔

انہوں نے کہا کہ جن لوگوں نے ہمارے اس کام میں مدد کی ہے ہم اس کا تہہ دل سے شکریہ ادا کرتے ہیں۔ وہیں وزیر میڈیکل تعلیم وشواس سارنگ نے ریاست میں لگاتار بڑھ رہے ڈینگو کے مریضوں اور اس کے علاج پر کہا کہ حکومت نے اس کے لیے پوری طرح سے انتظام کیے ہیں اور لوگوں کو علاج کے ساتھ دوائی بھی برابر مل رہی ہے۔ وشواس سارنگ نے ریاست میں بڑھ رہے بچوں میں وائرل بخار پر کہا کہ یہ بخار موسمی بخار ہے اور یہ ہر سال کی طرح اس سال بھی لوگوں کو متاثر کر رہا ہے اور ہم نے اس کے لئے بھی ہسپتالوں میں معقول انتظام کیے ہیں۔ اس لیے عوام کو پریشان ہونے کی ضرورت نہیں ہے۔