نئی دہلی، سپریم کورٹ نے پیر کو کہا کہ وہ لکشمن چندر وکٹوریہ گوری کو مدراس ہائی کورٹ کے ایڈیشنل جج کے طور پر تقرری کی سفارش کرنے کے کالجیم کے فیصلے کے خلاف دائر درخواست کی سماعت 10 فروری کو کرے گی۔
چیف جسٹس ڈی وائی چندرچوڑ کی سربراہی والی بنچ نے سینئر ایڈوکیٹ راجو رام چندرن کی عرضی کی سماعت سے اتفاق کرتے ہوئے معاملے کو جمعہ کو درج کرنے کی ہدایت دی۔
خصوصی ذکر کے دوران مسٹر رام چندرن نے عرضی کی جلد سماعت کی استدعاکی تھی۔
رام چندرن نے بنچ کو بتایا کہ ایڈیشنل جج کی تقرری کے سلسلے میں مدراس کے سینئر وکلاء کے ایک گروپ کی طرف سے ایک درخواست دائر کی گئی ہے۔ وہ درخواست پر فوری سماعت اور عبوری راحت کی استدعا کررہے ہیں۔
مدراس ہائی کورٹ کے وکلاء کے ایک گروپ نے گوری کی مجوزہ تقرری کی مخالفت کی ہے۔ ان کا الزام ہے کہ وہ بھارتیہ جنتا پارٹی سے وابستہ تھیں۔
مزید پڑھیں:Five New Judges in Supreme Court پانچ نئے جج سپریم کورٹ میں شامل، سی جے آئی چندر چوڑ نے دلایا حلف
یواین آئی