وارانسی: سپریم کورٹ میں گیانواپی مسجد کیس کی سماعت 20 مئی بروز جمعہ کو سہ پہر 3 بجے ہوگی۔ وارانسی کی گیانواپی مسجد پر آج سپریم کورٹ میں سماعت ہوئی۔ عدالت نے فی الحال اس معاملے کی سماعت کل جمعہ تک ملتوی کر دی ہے۔ یہ بھی کہا گیا کہ تب تک وارانسی کی عدالت میں بھی کوئی سماعت نہیں ہوگی۔ اس سے پہلے وارانسی کی عدالت میں گیانواپی مسجد سے متعلق سروے رپورٹ پیش کی گئی تھی۔ Supreme Court to hear plea challenging videography
سپریم کورٹ نے وارانسی کورٹ کی سماعت پر بھی روک لگا دی ہے۔ عدالت نے کہا ہے کہ وہ اس معاملے کی کل سماعت کرے گی اور تب تک وارانسی کی عدالت میں بھی اس کی سماعت نہیں ہوگی۔ اب سپریم کورٹ کل سہ پہر تین بجے اس معاملے کی سماعت کرے گی۔ سپریم کورٹ نے کہا کہ گیان واپی کے معاملے پر کل تین ججوں کی بنچ سماعت کرے گی۔ عدالت نے ہندو فریق کے وکیل وشنو جین سے کہا کہ وہ اپنے مقامی وکیل سے ٹرائل کورٹ میں مزید کارروائی نہ کرنے کو کہیں۔
بتادیں کہ ضلع حکومت کے ایڈوکیٹ مہیندر پرساد پانڈے کی جانب سے گیانواپی کیمپس میں شیولنگ ملنے کے دعویٰ والی جگہ پر پوجا کے مقام کے لئے نصب پائپ لائن کو باہر کرنے، نمازیوں کے لئے اندر بیت الخلاء کو بند ہونے کی وجہ سے پریشانیوں کے سبب اسکا انتظام کرنے اور تالاب کی مچھلیوں کی حفاظت کے لئے تین نکات پر وہاں پر نئے وکیل کمشنر کو بھیج کر تحقیقات مکمل کرکے رپورٹ طلب کرنے کی درخواست حکومتی وکیل کی جانب سے سول جج سینئر ڈویژن کی عدالت میں دی گئی تھی۔ اس کے علاوہ بدھ کو مدعی خواتین کی جانب سے کمیشن کی کارروائی کے تحت گیانواپی کمپلیکس کا دوبارہ ویڈیو سروے کرنے کا مطالبہ کیا گیا تھا، جس میں کہا گیا تھا کہ جنوبی اور مشرقی جانب کی دیوار کو توڑ کر وہاں سے ملبہ ہٹایا جائے اور جس تالاب میں شیولنگ ملنے کا دعویٰ کیا گیا ہے کہ اس کے نیچے دیوار کا دروازہ کھول کر اندر کی اصل صورتحال جاننے کے لیے درخواست بھی دی گئی تھی۔
مزید پڑھیں:۔ Gyanvapi Mosque Case: شیولنگ سے متعلق پوسٹ کرنے پر پروفیسر کے خلاف مقدمہ درج
ان دونوں معاملات میں عدالت نے جمعرات کو سماعت کی تاریخ مقرر کی ہے۔ اسی دوران بدھ کو مدعی کی جانب سے ایک اور درخواست عدالت میں دی گئی ہے۔ جس میں ہٹائے گئے وکیل کمشنر اجے مشرا سے کہا گیا ہے کہ وہ 6 اور 7 مئی کو کی گئی کمیشن کی کارروائی کی رپورٹ تیار کرنے میں عدالت کی مدد کریں۔ اس کے علاوہ عدالت نے مدعی اور حکومتی وکیل کی درخواست پر اعتراض کے لیے مسلم فریق سے دو دن کا وقت مانگا تھا۔ جسے عدالت نے قبول کر لیا ہے۔ فی الحال جمعہ کو اس معاملے میں وکیل کمشنر وشال سنگھ کی جانب سے کمیشن کی چار دن کی کارروائی کی رپورٹ داخل کی جائے گی۔
