نئی دہلی، سپریم کورٹ نے وزیر اعظم نریندر مودی کے والد کے خلاف مبینہ طور پر قابل اعتراض تبصرہ کرنے کے معاملے میں کانگریس پارٹی کے ترجمان پون کھیرا کو دی گئی عبوری ضمانت میں پیر کو جمعہ تک توسیع کر دی۔
چیف جسٹس ڈی وائی چندر چوڑ اور جسٹس پی ایس نرسمہا اور جے بی پارڈی والا کی بنچ نے جمعہ کو سماعت کی اگلی تاریخ تک مسٹر کھیرا کو عبوری راحت جاری رکھنے کا حکم دیا۔ بنچ نے آسام حکومت کی طرف سے پیش ہونے والے سالیسٹر جنرل تشار مہتا اور اتر پردیش حکومت کی طرف سے پیش ہونے والے ایڈیشنل ایڈوکیٹ جنرل گریما پرساد کو اپنے اپنی بات رکھنے کے لیے جمعہ تک کا وقت دیا۔
سپریم کورٹ نے مسٹر کھیرا کی گرفتاری کے چند گھنٹے بعد 23 فروری کو عبوری راحت دی تھی۔ عدالت نے آسام پولیس کے ذریعہ درج کیس میں ان کی رٹ درخواست پر انہیں عبوری ضمانت دی تھی۔
مسٹر کھیڑا رائے پور کانگریس اجلاس میں شرکت کے لیے رائے پور جا رہے تھے، جب انھیں دہلی ہوائی اڈے پر جہاز سے اتار دیا گیا اور پولیس نے انھیں گرفتار کر لیا۔