حوثی باغیوں کی جانب سے یونائٹیڈ عرب امارات میں پیش آئے حملوں پر سلامتی کونسل نے بیان جاری کرتے ہوئے حوثی حملوں کے متاثرین کے اہل خانہ سے تعزیت کی اور ہمدردی کا اظہار کیا ہے۔ ساتھ ہی ہندوستان اور پاکستان کی حکومتوں سے بھی ہمدردی ظاہر کی ہے۔ Yemen Houthis Claim Attack on UAE
یو اے ای حملے پر سلامتی کونسل نے گہری ہمدردی کا اظہار کیا پریس کے نام جاری اپنے بیان میں سلامتی کونسل کے ارکان نے متاثرین سے اپنی گہری ہمدردی کا اظہار کیا اور حوثی باغیوں کی جانب سے حملوں کی مذمت کی۔
یہ بھی پڑھیں:
واضح رہے کہ چند روز قبل یمنی حوثی باغیوں کی جانب سے متحدہ عرب امارات میں مشتبہ ڈرون کی مدد سے ابوظہبی میں ایئرپورٹ کے قریب حملہ کیا گیا، جس میں ایک پاکستانی اور دو بھارتی شہری کے ہلاک ہوئے تھے، اس حملے کی ذمہ داری ایرانی حمایت یافتہ یمنی حوثی باغیوں نے لی تھی۔
ایرانی حمایت یافتہ یمنی حوثی باغیوں نے دعویٰ کیا تھا کہ اس نے متحدہ عرب امارات پر حملہ کیا Yemen Houthis Claim Attack on UAE ہے،
ابوظہبی پولیس نے بتایا تھا کہ تیل کی اسٹوریج کی سہولیات کے قریب صنعتی علاقے میں ایندھن کے تین ٹینکر ٹرک پھٹ گئے اور دوسرا ابوظہبی انٹرنیشنل ایئرپورٹ پر ایک تعمیراتی مقام پر پھٹا جس کے سبب آگ بھڑک اٹھی۔
یہ یاد رہے کہ متحدہ عرب امارات نے 2019 میں یمن میں اپنی فوجی موجودگی کو بڑے پیمانے پر کم کر دیا تھا لیکن وہ مسلح اور تربیت یافتہ یمنی افواج پر اپنا تسلط برقرار رکھے ہوئے ہے۔
حوثیوں نے متعدد دفعہ سعودی عرب پر سرحد پار سے میزائل اور ڈرون حملے کیے ہیں اور ماضی میں متحدہ عرب امارات پر حملے کی دھمکیاں دی ہیں۔
