'فلاحی منصوبہ بنانے کے لئے صحیح معلومات ضروری ہے'

مرکزی وزیر محنت اور روزگار سنتوش کمار گنگوار نے جمعرات کے روز کہا کہ' فلاحی منصوبوں اور پروگراموں کو بنانے کے لئے صحیح معلومات اور اعداد و شمار کا ہونا بہت ضروری ہے۔

سنتوش کمار گنگوار نے یہاں لیبر بیورو کے چار آل انڈیا سروے کے لئے ٹرینر تربیتی پروگرام کا افتتاح کرتے ہوئے کہا کہ' حکومت کے لئے یہ بہت ضروری ہے کہ وہ مزدوروں کے لئے فلاحی منصوبے مرتب کرنے اور پالیسیوں بنانے کے لیے صحیح معلومات اور اعداد و شمار حاصل کرے۔ سروے کے لئے ضابطے اور سروے کی ایپ بھی جاری کی گئی۔ اس موقع پر سکریٹری اپوروا چندر اور لیبر بیورو کے ڈائریکٹر جنرل ڈی پی ایس نیگی اور سینئر عہدیدار موجود تھے۔

مرکزی وزیر نے کہا کہ حکومت کو مزدوروں کی زندگی کے ہر پہلو کی صحیح معلومات اور اعداد و شمار موجود ہوں۔ یہ چار سروے تارکین وطن مزدوروں ، گھریلو ملازموں ، پیشہ ور افراد کے ذریعہ روزگار اور آمدورفت سے متعلق ہوں گے۔

۔یو این آئی۔