ریاض: سعودی عرب میں رمضان المبارک کا چاند نظر آگیا ہے اور وہاں پہلا روزہ کل یعنی 2 اپریل کو ہوگا۔ اس کے ساتھ ہی بھارت، پاکستان، نیپال سمیت دیگر ممالک میں رمضان المبارک کا چاند ہفتہ کو دیکھا جائے گا۔ سعودی میڈیا کے مطابق سعودی عرب کے علاقے حوطہ سدیر میں رمضان کا چاند نظر آیا ہے، سعودی شہر تمیر میں بھی چاند نظر آنے کی شہادت ملی ہے Ramadan Start in Saudi Arabia۔
متحدہ عرب امارات میں بھی رمضان کا چاند نظر آگیا ہے۔ متحدہ عرب امارات میں ہفتہ دو اپریل کو یکم رمضان ہوگا۔ اس کے علاوہ ملائیشیا اور انڈونیشیا میں رمضان کا چاند نظر نہیں آیا ہے اور ان ممالک میں پہلا روزہ 3 اپریل کو ہوگا۔ عرب میڈیا کے مطابق برونائی میں بھی چاند نظر نہیں آیا اور وہاں بھی 3 اپریل بروز اتوار کو یکم رمضان ہوگا۔