سیتیندر جین نے علی پور گاؤں نریلا میں ایک کثیر جہتی کمیونٹی سینٹر کا افتتاح کرنے کے بعد بدھ کے روز کہا کہ 'کسی بھی ملک کی ترقی کے لیے معیاری صحت خدمات اور تعلیم بے حد ضروری ہے جس کے سبب غیر ترقی یافتہ ممالک ترقی یافتہ ہوسکتے ہیں۔
دہلی حکومت ملک کی ایسی واحد حکومت ہے جو عوام کو معیاری اور مفت عوامی خدمات مہیا کروانے کی امیدوں کو حقیقت بنارہی ہے۔ دہلی کے عوام کے لیے وقف اور بدعنوانی سے پاک گورننس ماڈل نے عوام کو اپنے حقوق کے تئیں بیدار کیا ہے۔