The Government Can Ban PFI: حکومت پی ایف آئی پر پابندی عائد کر سکتی ہے

مرکزی حکومت نے پاپولر فرنٹ آف انڈیا پر پابندی لگانے کا ارادہ ظاہر کیا ہے، حکومت نے پی ایف آئی پر مبینہ طور پر ملک مخالف سرگرمیوں میں ملوث ہونے کا الزام عائد کیا ہے لیکن پی ایف آئی نے ان الزامات کو مسترد کیا ہے۔ Government likely to ban PFI over Ram Navami violence

وزارت داخلہ ملک بھر میں پرتشدد سرگرمیوں میں مبینہ طور پر ملوث ہونے کے الزام میں پاپولر فرنٹ آف انڈیا (PFI) پر پابندی لگا سکتی ہے۔ حال ہی میں وزارت داخلہ کو دیئے گئے ایک ڈوزیئر میں خفیہ ایجنسیوں نے 10 اپریل کو رام نومی کے جلوس کے دوران کئی ریاستوں میں ہونے والے تشدد میں پی ایف آئی کے ملوث ہونے کی نشاندہی کی ہے۔The Government can Ban PFI

مدھیہ پردیش، راجستھان، گوا، گجرات، جھارکھنڈ اور مغربی بنگال جیسی ریاستوں میں رام نومی کے جلوس کے دوران بڑے پیمانے پر تشدد ہوا۔ وزارت داخلہ کے ایک سینئر افسر نے انٹیلی جنس رپورٹ کا حوالہ دیتے ہوئے کہاکہ ’’خفیہ ایجنسیوں نے حالیہ پرتشدد واقعات میں پی ایف آئی کے ملوث ہونے کی طرف اشارہ کیا ہے‘‘۔ رپورٹ میں ملک کے دیگر کئی شعبوں میں پی ایف آئی کی سرگرمیوں پر روشنی ڈالی گئی ہے۔

آسام کے وزیر اعلیٰ ہمانتا بسوا سرما نے بھی فروری میں نئی ​​دہلی کے دورے کے دوران وزارت داخلہ سے اس تنظیم پر پابندی لگانے کا مطالبہ کیا ہے۔ وزارت داخلہ کے ایک اہلکار کے مطابق کابینہ کمیٹی برائے سیکورٹی (CCS) میں پی ایف آئی سے متعلق انٹیلی جنس رپورٹ پر تفصیلی بحث کا امکان ہے۔ اہلکار نے کہا کہ "اگر حکومت کو لگتا ہے کہ پی ایف آئی کی وجہ سے ملک بھر میں امن و امان کو خطرہ ہے تو پی ایف آئی پر کسی بھی وقت پابندی لگائی جا سکتی ہے۔"

وہیں پی ایف آئی کے جنرل سکریٹری محمد الیاس نے ای ٹی وی بھارت کو بتایا کہ ہم کسی بھی ملک مخالف سرگرمیوں میں ملوث نہیں ہیں اور نہ ہی ہم فرقہ وارانہ تشدد کو ہوا دیتے ہیں۔ ہم اقلیتی برادری اور معاشرے کے دیگر کمزور طبقات کے حقوق کے لیے لڑتے ہیں۔ ہم معاشرے کے کمزور طبقات کو بااختیار بنانے کا ارادہ رکھتے ہیں۔ الیاس نے کہاکہ حکومت ہم پر بے بنیاد الزامات لگا رہی ہے۔ مرکزی حکومت بھی ہم پر دباؤ ڈالنے کے لیے اپنی ایجنسیوں کا استعمال کر رہی ہے۔