First Hijab Judge in US امریکہ کی پہلی باحجاب مسلم جج نے قرآن کریم پر ہاتھ رکھ کر حلف لیا

شامی نژاد امریکی مسلم خاتون نادیہ کہف نیو جرسی میں ریاستی سپریم کورٹ کی جج کے طور پر خدمات انجام دینے والی پہلی باحجاب خاتون بنیں گئی ہیں۔ آج انہوں نے قرآن کریم پر ہاتھ رکھ کر اپنے عہدے کا حلف لیا۔ The first hijabi woman takes office in the United States

امریکہ کی پہلی باحجاب جج نادیہ کہف نے جمعرات کو اپنے عہدے کا حلف لیا۔ دو سال کی عمر میں شام سے امریکہ منتقل ہونے والی نادیہ کہف نیو جرسی کے گورنر کی جانب سے نامزد ہونے کے بعد جج بن گئیں۔ وکیل نادیہ کہف امریکہ میں پہلی حجاب پہننے والی جج بن گئیں۔ ریاست نیو جرسی میں اپنے نئے عہدے پر تعینات ہونے کے بعد نادیہ کہف نے اپنی دادی سے وراثت میں ملنے والے قرآن پاک پر ہاتھ رکھ کر حلف لیا۔ 50 سالہ نادیہ کہف نے کہا کہ میں بہت خوش ہوں اور بہت فخر محسوس کر رہی ہوں۔ نادیہ کہف پاسیک کاؤنٹی میں اپنی خدمات انجام دیں گی۔

واضح رہے کہ نادیہ کہف 2 سال کی عمر میں شام سے امریکہ ہجرت کر گئیں۔ وہ ایک عرصے سے ملک میں اسلامی فاؤنڈیشن میں کام کر رہی تھیں۔نادیہ کہف سر پر اسکارف پہننے والی پہلی ریاستی جج بن گئیں، لیکن وہ پہلی مسلمان جج نہیں ہیں۔امریکہ کے مختلف علاقوں میں مسلم خواتین بطور ججز اپنی خدمات انجام دے رہی ہیں۔ اس موقع پر کونسل آن امریکن اسلامک ریلیشنز کے نیو جرسی چیپٹر نے آج نادیہ کہف کو نیو جرسی سپیریئر کورٹ میں حلف اٹھانے پر مبارکباد پیش کی۔

انہوں نے کہا کہ نادیہ نے طویل عرصے سے نیو جرسی میں مسلم کمیونٹی کی خدمت کی ہے، اور مجھے یہ اعزاز حاصل ہے کہ میں نے یہاں سی اے آئی آر-این جے میں ان کی قیادت اور رہنمائی میں کام کیا۔ ان کی نامزدگی کے ایک سال بعد انہیں حلف اٹھاتے دیکھنا ناقابل یقین سے کم نہیں ہے۔بتادیں کہ نادیہ کہف کی نامزدگی ایک سال پہلے آئی تھی لیکن سینیٹر کرسٹن کوراڈو نے روک دی تھی۔ اس کی تصدیق اس ماہ کے شروع میں ہوئی تھی۔