'ممتا بنرجی پر حملہ، حادثہ نہیں ایک سازش ہے'

ترنمول کانگریس نے کہا کہ' ممتا بنرجی پر حملہ کوئی حادثہ نہیں تھا، بلکہ ایک سازش کے تحت اسے انجام دیا گیا تھا'۔

ترنمول کانگریس نے الیکشن کمیشن سے اس واقعے کی آزادانہ جانچ کا مطالبہ کرتے ہوئے کہا کہ' اس حملے کی آزادانہ جانچ ہونی چاہیے اور دوسر ی طرف پارٹی نے جمعہ شام 3 بجے تا 5 بجے تک ریاست بھر میں احتجاج کرنے کا اعلان کیا ہے۔ پارٹی نے کہا کہ' ریاست کے ہر ضلع اور بلاک میں سیاہ پرچم کے ساتھ خاموش جلوس نکالے جائں گے'۔

ترنمول کانگریس نے الیکشن کمیشن سے کہا کہ' اس معاملے کی مکمل تحقیقات کرائی جائے۔کل ترنمو ل کانگریس کا ایک وفد دہلی میں بھی الیکشن کمیشن سے ملاقات کرے گا۔جب کہ آج ایک وفد نے ریاستی الیکشن کمیشن سے ملاقات کی ہے۔

پارتھو چٹرجی نے کہا کہ' وزیرا علیٰ ممتا بنرجی کو سیکورٹی کیوں نہیں دی گئی۔ پارتھو نے کہا کہ' پولیس سے زیادہ الیکشن کمیشن ذمہ دار ہے، انہوں نے کہا کہ' الیکشن کمیشن کی جانبداری اور ممتا بنرجی پر حملے کے خلاف پارٹی کارکنان کل شام سہ پہر خاموش جلوس نکالیں گے'۔

خیال رہے کہ' ایک ذرائع سے دعویٰ کیا جارہا ہے کہ ممتا بنرجی کے ساتھ حادثہ اتفاقی تھا اور ان کی کار ایک پول سے ٹکرا گئی۔ جب کہ ترنمو ل کانگریس نے کہا کہ' اگر پول سے کار ٹکرائی ہے تو کار پر نشانات کیوں نہیں ہیں۔ جب کہ ممتا بنرجی کار سے باہر نکل کر لوگوں سے ملاقات کررہی تھی ۔اس اثنا میں کچھ لوگوں نے وزیر اعلیٰ ممتا بنرجی کو ڈھکیل دیا ممتا بنرجی کو کار کا دروازہ بند کرنے پر مجبور کیا۔اس لئے یہ دعویٰ کرنا کہ یہ حادثہ ہے، تو یہ غلط ہے۔

ترنمول کانگریس کے ممبر پارلیمان سوگت رائے نے کہا کہ' بی جے پی کے ریاستی صدر دلیپ گھوش اور بی جے پی کے ریاستی یوتھ صدر سمترا خان نے کہا تھا کہ دیکھیں گے کہ 10 ویں کے بعد کیا ہوتا ہے۔ ہم نے دیکھا کہ یہ واقعہ 10کو ممتا بنرجی کے پرچہ نامزدگی کے بعد پیش آیا۔

۔یواین آئی۔