ممبی کے سرکاری ہسپتالوں Government Hospitals of Mumbai, میں چھوٹے سے چھوٹے اور بڑے سے بڑے علاج کے لیے لوگ آتے ہیں، لیکن ایک کاؤنٹر سے دوسرے کاؤنٹر اور او پی ڈی ان سب جگہوں پر آنے جانے میں بہت وقت ضائع ہوتا ہے۔ اس کی سب سے بڑی وجہ یہ ہے کہ ہسپتالوں میں آنے ولوں کو ہسپتال کے بارے میں کسی طرح کی تفصیل یا ہسپتال سے متعلق جانکاری نہیں رہتی۔ اور نہ ہی یہ جانکاریا ں مہیا کرنے کے لیے کوئی موجود رہتا ہے۔جسکی وجہ سے ہسپتال میں آنے والوں بڑی دقتوں کا سامنا کرنا پڑتا ہے۔
ممبئی کے سرکاری ہسپتالوں سے متعلق معلومات کے لیے ایپلکیشن ضروری
جبکہ پرائیویٹ ہستپال میں معاملہ اس کے برعکس رہتا ہے، لیکن وہاں ہر شخص کی رسائی ممکن نہیں، ممبئی کے مسلم اکثریتی علاقہ مدنپورہ کے سماجوادی پارٹی کے کارپوریٹر و رکن اسمبلی رئیس شیخ نے محکمہ بی ایم سی کو یہ تجویز پیش کی ہے کہ وہ سرکاری ہسپتالوں کے لیے ایک ایسا 'ایپ' تیار کریں، جس میں ہسپتال سے متعلق تمام معلومات اس میں موجود ہوں جس سے مریضوں یا ان کے رشتےداروں کو ہسپتال میں پیش آنے والی دقتوں سے چھٹکارا ملے۔
دور حاضر میں جب ہر کام آن لائن ہو گیا ہے ہر کام کے لئے عوام کی سہولت کو مدنظر رکھتے ہوئے ایپ بنایا گیا ہے اور ایسے میں آن لائن کی وجہ سے بڑی سہولتیں ہو گئی ہیں جس کا سب سے زیادہ فائدہ عوام نے لاک ڈاؤن کے دوارن اٹھایا ہے ایسے میں ہسپتال کیسے پیچھے رہ گیا ہے یہ اہم سوال ہے
