امروہہ: کپڑے کی دکان میں بھیانک آتشزدگی

ضلع امروہہ کے قصبہ جویا میں کپڑے کی دکان میں شارٹ سرکٹ سے آگ لگنے کی وجہ سے لاکھوں روپیے کے نقصان کا خدشہ ظاہر کیا جا رہا ہے۔

ریاست اتر پردیش کے ضلع امروہہ کے ڈیڈلی کوتوالی علاقے کے قصبہ جویا میں کپڑے کی دکان میں اچانک آگ لگنے کی وجہ سے علاقے میں ہلچل مچ گئی۔

جویا کے رہائشی ساجد اعلی نے بتایا کہ 'شام کے اوقات اچانک دکان سے آگ کی لپٹ نکلنے لگی۔ جس پر کافی تعداد میں افراد جمع ہو گئے لیکن تب تک آگ بڑی حد تک پھیل چکی تھی'۔

ساجد علی نے بتایا کہ 'یہ آتشزدگی شارٹ سرکٹ کی وجہ سے ہوئی ہے۔ آگ کی وجہ سے لاکھوں کا نقصان ہوا ہے'۔

آگ لگنے کی وجہ سے علاقے میں ہلچل مچ گئی۔

واضح رہے کہ آگ نے قریب کی دکانوں کو بھی اپنی زد میں لینا شروع کر دیا، لیکن اس سے قبل ہی موقع پر پہنچی فائر بریگیڈ کی گاڑیوں نے آگ پر قابو پا لیا۔