مسافرین کی ریزگاری کی مشکلات دور کرنے کے لیے تلنگانہ آرٹی سی نے تجرباتی پروجیکٹ کا آغاز کیا

بس اسٹینڈز پر ریزگاری کی مشکلات کو دور کرتے ہوئے مسافرین کو سہولت پہنچانے کیلئے اس نئے طریقہ کو شروع کیا گیا ہے۔ سجنار نے ٹکٹ کی خریداری کے وقت آن لائن رقمی ادائیگی کی خدمات شروع کرنے کا اعلان کیا ہے۔

تلنگانہ آر ٹی سی کے منیجنگ ڈائرکٹر وی سی سجنار نے کہا ہے کہ یوپی آئی۔این پی سی آئی، کیوآرکوڈ کے ذریعہ ایم جی بی ایس اور راتھفائل بس اسٹینڈس میں ٹکٹس کی بکنگ/کارگو پارسل خدمات کے نئے تجرباتی پروجیکٹ کا آغاز کیا گیا ہے۔

بس اسٹینڈز پر ریزگاری کی مشکلات کو دور کرتے ہوئے مسافرین کو سہولت پہنچانے کیلئے اس نئے طریقہ کو شروع کیا گیا ہے۔ سجنار نے ٹکٹ کی خریداری کے وقت آن لائن رقمی ادائیگی کی خدمات شروع کرنے کا اعلان کیا ہے۔ فی الحال تجرباتی پروجیکٹ کے طور پر ڈیجیٹل ادائیگی مہاتما گاندھی بس اسٹاپ (این جی بی ایس) ٹکٹ ریزرویشن کاؤنٹر، پارسل کارگو سروس اور ریٹفائل بس اسٹینڈ پر بس پاس کاؤنٹرز پر متعارف کرائی گئی ہے۔

سجنار نے کہا کہ صورت حال کا جائزہ لینے کے بعد آن لائن ادائیگی کی سہولت ریاست کے تمام ڈپو پر نافذ کی جائے گی۔ انہوں نے اس سلسلہ میں کئے گئے ٹوئیٹ میں تمام شہریوں سے درخواست کی ہے کہ وہ اس سے استفادہ کرتے ہوئے کامیاب بنائیں۔

سنجار نے مزید کہا کہ اس تجرباتی پروجیکٹ کی کامیابی پر غور کرنے کے بعد تلنگانہ بھر میں اس پر عمل کرنے کا منصوبہ ہے۔ انہوں نے اس میں رائے اور تجاویز بھی دینے کی تمام شہریوں سے درخواست کی ہے۔

(یو این آئی)