تلنگانہ: زچگی کے دوران بچہ کی موت، ڈاکٹرس پرلاپرواہی کا الزام

اسپتال میں زچگی کے لیے ایک خاتون آئی تھیں۔ اس نوزائیدہ کی موت پر خاتون کے رشتہ داروں نے الزام لگایا کہ ڈاکٹرس کی لاپرواہی کے نتیجہ میں نوزائیدہ کی موت ہوئی ہے۔

تلنگانہ کے ضلع کاماریڈی کے ڈسٹرکٹ اسپتال میں زچگی کے دوران بچہ کی موت پر خاتون کے رشتہ داروں نے ڈاکٹرس پر لاپرواہی کا الزام لگایا اور پولیس میں شکایت کی۔

اسپتال میں زچگی کے لیے ایک خاتون آئی تھیں۔ اس نوزائیدہ کی موت پر خاتون کے رشتہ داروں نے الزام لگایا کہ ڈاکٹرس کی لاپرواہی کے نتیجہ میں نوزائیدہ کی موت ہوئی ہے۔

ضلع کے کامار یڈی منڈل کے سنگارائے پلی دیہات سے تعلق رکھنے والی سوندریا، زچگی کے لئے اتوار کی شام اسپتال پہنچیں۔

ان کے رشتہ داروں نے الزام لگایا کہ ڈاکٹرس اور دیگر طبی اہلکاروں نے اس خاتون کے کورونا کی جانچ اور اسکینگ کروانے پر زوردیا جبکہ ان کا کہنا ہے کہ تمام معائنے پہلے ہی کروائے گئے ہیں۔

اس کے باوجود صبح ایک مرتبہ پھر یہ تمام جانچ کروانے پر زور دیا گیا۔

انہوں نے کہا کہ ڈاکٹرس کی لاپرواہی کے نتیجہ میں مردہ بچہ پیدا ہوا۔

یواین آئی