تلنگانہ ہائی کورٹ کی تاریخی عمارتوں کے تحفظ کیلئے کمیٹی تشکیل دینے کی ہدایت

تلنگانہ ہائی کورٹ نے تاریخی عمارتوں کے تحفظ کے سلسلہ میں ایک کمیٹی تشکیل دیتے ہوئے منصوبہ تیار کرنے کی مرکزی اور ریاستی حکومت کو ہدایت دی ہے۔

عدالت نے کہا کہ اس ماہ کی 22 تاریخ تک کمیٹی کا پہلا اجلاس منعقد کرتے ہوئے تاریخی مقامات کے تحفظ کے لئے بلوپرنٹ تیار کیا جائے۔

تاریخی عمارتوں گولکنڈہ، گنبدان قطب شاہی کو نقصان پر میڈیا کی رپورٹس کا عدالت نے نوٹ لیا۔ بنچ نے اس معاملہ کی سماعت کرتے ہوئے اس خصوص میں اس ماہ کی 12 تاریخ کو مرکزی حکومت کی جانب سے پیش کردہ رپورٹ پر عدم اطمینان کا اظہار کیا۔