تلنگانہ: دوباک ضمنی انتخابات کے نتائج بدھ کو آئیں گے

تلنگانہ قانون ساز اسمبلی کے حلقہ دوباک میں ہونے والے ضمنی انتخابات کے بعد بدھ کو ہونے والی ووٹوں کی گنتی کے لیے انتظامات مکمل کر لیے گئے ہیں۔

سدی پیٹ کے اندور انجینئرنگ کالج کو گنتی کا مرکز بنایا گیا ہے جس کے لیے تمام انتظامات عہدیداروں کی جانب سے مکمل کر لیے گئے ہیں، گنتی کا عمل صبح 8 بجے سے شروع ہوگا۔

جملہ 14 ٹیبلس لگائے گئے ہیں جس میں 23 راونڈ کی گنتی ہوگی، 1453 پوسٹل بیلٹ 51 سروس ووٹ بھی ہیں جن کی گنتی کی جائے گی، سب سے پہلے پوسٹل بیلٹ اور سروس ووٹ کی گنتی کا کام کیا جائے گا۔

گنتی کے عمل میں 200 افراد حصہ لیں گے، اس حلقہ کے ضمنی انتخاب میں 23 امیدوار میدان میں ہیں، دوباک میں جملہ ووٹ 198756 ہیں جبکہ 164192 ووٹ ڈالے گئے اور82.61 فیصد ووٹ ڈالے گئے تھے۔