Teesta sent to Judicial Custody: تیستا سیتلواڑ اور آر بی سری کمار کو عدالتی تحویل میں بھیجا گیا

میٹروپولیٹن عدالت نے سماجی کارکن تیستا سیتلواڑ اور آر بی سری کمار کو 14 دن کی عدالتی تحویل میں بھیج دیا ہے۔ اس سے پہلے عدالت انہیں سات ​​دن کی ریمانڈ میں بھیجا تھا۔ Teesta Setalvad sent to judicial custody

پبلک پراسیکیوٹر امت پٹیل نے کہا کہ گجرات پولیس نے ملزم تیستا سیتلواڑ اور آر بی سری کمار کا مزید ریمانڈ طلب نہیں کیا اور عدالت سے کہا کہ انہیں عدالتی تحویل میں رکھا جائے۔ وہیں میٹروپولیٹن عدالت نے انہیں 14 دن کی عدالتی تحویل میں بھیج دیا ہے۔Teesta Setalvad sent to judicial custody

گزشتہ ہفتے گجرات اے ٹی ایس کی ٹیم نے ممبئی سے سماجی کارکن تیستا سیتلواڑ کو گرفتار کر کے احمدآباد کرائم برانچ کے حوالے کیا تھا۔ سماجی کارکن تیستا سیتلواڑ کو احمد آباد کی میٹرو پولیٹن گھیکانتا عدالت میں پیش کیا گیا۔ کرائم برانچ نے تیستا سیتلواڑ کو عدالت سے 14 دن کی ریمانڈ میں دینے کی مانگ کی تھی، تاہم عدالت نے سات ​​روزہ ریمانڈ دیا تھا۔ وہیں تیستا سیتلواڑ اور آر بی سری کمار کو میٹروپولیٹن عدالت نے انہیں 14 دن کی عدالتی تحویل میں بھیج دیا ہے۔

واضح رہے کہ تیستا سیتلواڑ ایک سماجی کارکن اور صحافی ہیں۔ وہ سٹیزن فار جسٹس اینڈ پیس (CJP) کے سیکرٹری بھی ہیں جو کہ 2002 میں گجرات تشدد کے متاثرین کی وکالت کے لیے بنائی گئی ایک تنظیم ہے۔ تیستا نے 2002 کے گجرات فسادات میں اس وقت کے گجرات کے وزیر اعلی نریندر مودی سمیت 62 دیگر سرکاری افسران کے خلاف مجرمانہ الزامات کی درخواست کی تھی۔