گاندربل میں نابالغ لڑکے نے خودکشی کی

وسطی کشمیر کے ضلع گاندربل کے گنڈ کے علاقہ ریزن میں جمعرات کے روز ایک نابالغ نوجوان نے اپنے گھر میں پھانسی لگا کر خودکشی کرلی۔

ایک پولیس عہدیدار نے بتایا کہ لڑکا اپنے گھر کی چھت کے پنکھے کے ساتھ لٹکا ہوا پایا گیا۔ پولیس آفیسر نے بتایا کہ لڑکے کو فوری طور پر پی ایچ سی کلن پہنچایا گیا ، جہاں ڈاکٹروں نے اسے مردہ قرار دے دیا۔

انہوں نے کہا کہ خودکشی کی وجہ کو جاننے کے لئے تحقیقات کا آغاز کردیا گیا ہے کہ اس لڑکے نے یہ انتہائی اقدام کیوں اٹھایا۔ پولیس نے اس سلسلہ میں مقدمہ درج کرلیا۔

لاش کا پوسٹ مارٹم کرنے کے بعد تمام تر قانونی کارروائیوں کو پورا کرتے ہوئے لاش کو لواحقین کے حوالے کردیا۔ اس واقعہ کے بعد علاقہ میں غم کا ماحول چھا گیا۔