افغانستان میں تشدد کے خاتمے کے لیے اقدامات کیے جائیں: بھارت

بھارت نے کہا ہے کہ افغانستان سے متعلق کسی بھی اجلاس میں جنگ زدہ ملک میں تشدد اور ٹارگٹیڈ حملوں کے خاتمے کے لیے حل تلاش کیے جانے چاہیے۔

اقوام متحدہ میں بھارت کے مستقل نمائندے ٹی ایس تریمورتی نے یہ بات اقوام متحدہ کی سلامتی کونسل کی ایک ماہ کی صدارت سنبھالنے کے بعد اپنی پہلی پریس کانفرنس سے خطاب کرتے ہوئے کہی۔

انہوں نے اس دوران کہا کہ افغانستان کے لیے اقوام متحدہ کی امن فوج کے قیام کا معاملہ باضابطہ طور پر نہیں اٹھایا گیا۔

ٹٰی ایس تریمورتی نے بتایا کہ " بھارت نے افغانستان میں امن، سلامتی اور استحکام لانے والے ہر مواقع کی حمایت کی ہے۔ ہم اس بات کے قائل ہیں کہ افغانستان میں تشدد اور ٹارگٹیڈ حملوں کے سوال کو کسی بھی میٹنگ میں حل کرنا ہوگا۔ یہ نہایت ہی تشویش کی بات ہے۔ تشدد کا خاتمہ ہونا چاہئے۔‘‘

(یو این آئی)