آئی ٹی کے نئے قوانین کے خلاف درخواستوں پر 16 جولائی کو سماعت

سپریم کورٹ آئی ٹی سے متعلق نئے قوانین کے خلاف دائر کردہ درخواستوں پر جمعہ کو سماعت کرے گی۔

سپریم کورٹ انفارمیشن ٹکنالوجی (آئی ٹی) سے متعلق نئے قوانین کے خلاف مختلف درخواستوں پر آئندہ جمعہ کو سماعت کرے گی۔ مرکزی حکومت نے آئی ٹی کے نئے قوانین کے خلاف مختلف ہائی کورٹوں میں دائر درخواستوں کو عدالت عظمی میں منتقل کرنے کی درخواست کی ہے۔

جسٹس اے ایم کھانولکر اور جسٹس سنجیو کھنہ پر مشتمل ڈویژن بنچ نے مرکزی حکومت کی منتقلی کی درخواست کو’ 'جسٹس فار رائٹس فاؤنڈیشن‘ بمقابلہ حکومت ہند‘ کی خصوصی لیوپٹیشن سے منسلک کیا اور 16 جولائی کو ان سب کی سماعت کرنے کا فیصلہ کیا۔

خیال رہے یہ درخواستیں دہلی ، بمبئی ، مدراس اور کیرالہ کی اعلی عدالتوں میں دائر کی گئیں ہیں۔

یو این آئی