آکاش میزائل کے نئے ایڈیشن کا کامیاب تجربہ

آکاش ہندوستان کی جانب سے بنایا گیا، درمیانی دوری کی سطح سے ہوا میں مار کرنے والا نظام ہے۔

فوج اور ڈیفنس ریسرچ اینڈ ڈیویلپمنٹ آرگنائزیشن (ڈی آر ڈی او) نے سرحدی ضلع جیسلمیر کی پوکھرن فیلڈ فائرنگ رینج میں آکاش میزائل کے نئے ایڈیشن کا کامیباب تجربہ کیا ہے۔

فوج کے سرکاری ذرائع نے بتایا کہ منگل کے روز پوکھرن رینج میں ایک پلیٹ فارم پر تعینات ایک بڑی گاڑی سے اس میزائل کو آسمان میں داغہ گیا جس نے ہدف پر سٹیک نشانہ لگاتے ہوئے دشمن کے ٹھکانے کو تباہ کر دیا۔ اس موقع پر فوج اور ڈی آر ڈی او کے اعلیٰ افسران موجود تھے۔ اس کامیاب تجربے پر فائرنگ کے بعد فوج کی الٹری کی حملہ کرنے کی استعداد اور مضبوط ہوگی۔

ذرائع نے بتایا کہ ڈی آر ڈی او نے آکاش میزائل میں کچھ ٹیکنیکل تبدیلی کرکے اسے جیسلمیر کے پوکھرن فیلڈ فائرنگ رینج میں تجربہ کے دوران مختلف پیرامیٹر پر جانچا پرکھا گیا۔ اسے آکاش-این جی یعنی نئے جنریشنل کی آکاش میزائل کا نام دیا گیا ہے۔ یہ سطح سے ہوا میں مار کرنے میں اہل ہے۔ اسے فوج اور فضائیہ کے لیے خصوصی طور پر بنایا گیا ہے۔ سرحدوں پر تعینات اور بڑھتے ہوائی خطرات کے مد نظر آکاش-این جی کارگر رہے گی۔ نئی آکاش میزائل ہدف پانے میں کامیاب رہی۔ تجربے کے دوران یہ ساری کسوٹیوں پر کھری اتری۔ میزائل کا کمانڈ کنٹرول سسٹیم، ایویونِکس، ایروڈائینَیمک سسٹم ہر کسی نے بہتر ڈھنگ سے کام کیا۔

نوکیلیئر استعداد والی یہ میزائل 2.5 میک (یعنی قریب 860 میٹر فی سکینڈ) کی رفتار سے 19 کلومیٹر تک کی اونچائی تک اڑ سکتی ہے۔ فائیٹر جیٹ، ڈرون، کروز میزائلوں اور ایئر-ٹو-سرفیس میزائل سمیت بیلیسٹک میزائل کو بھی یہ میزائل نشانہ بنا سکتی ہے اور وہ بھی تیس کلومیٹر کی دوری سے۔ علاوہ ازیں 3 ڈی رڈار (پی ای ایس اے)، سوچ ہونے والا گائیڈنس اینٹینا سسٹم، ڈیجیٹل آٹو پائلٹ، رَیمجیٹ پروپلشن جیسی جدید ٹیکنالوجی کے ساتھ بنے اس میزائل سسٹم میں چار راجیندر رڈار اور چار لانچر ہیں جو آپس میں جڑے ہوئے ہیں اور گروپ کنٹرول سینٹر سے کنٹرول ہو سکتے ہیں۔

ذرائع نے بتایا کہ میزائل سسٹم کو ڈی آر ڈی او نے ڈیزائن اور تیار کیا ہے، وہیں اس کا پروڈکشن بھارت ڈائنامکس نے کیا ہے اور اس کے ہائی ٹیک، راجیندر فیزڈ اَیرے رڈار کی مینوفیکچرنگ بھارت الیکٹرانکس نے کیا ہے۔

آکاش ہندوستان کی جانب سے بنایا گیا، درمیانی دوری کی سطح سے ہوا میں مار کرنے والا نظام ہے۔ اسے ڈی آر ڈی او کی جانب سے فروغ دیا گیا ہے۔ اس میزائل کے 96 فیصد تک سسٹم پوری طرح سے ملک میں تیار ہیں۔