اے ایم یو ڈاکٹروں کی جانب سے دل کی کامیاب سرجری

اترپردیش کے ضلع علی گڑھ کی رہنے والی صائمہ نامی ایک خاتون کو اچانک سینے میں تکلیف اور سانس لینے میں دشواری شروع ہوئی۔ جانچ سے پتہ چلا کہ صائمہ قلب کی ایسی بیماری میں مبتلا ہے جس میں دل سے نکلنے والا خون واپس دل میں ہی چلا جاتا ہے۔ ڈاکٹروں نے 8 گھنٹے کی پیچیدہ سرجری کر مرض سے نجات دلائی۔

کارڈیوتھورسک سرجری شعبہ کے چیئرمین ڈاکٹر محمد اعظم حسین نے بتایا کہ صائمہ کی شہ رگ سے بیماری کو دور کرنے کے لئے بیٹل پروسیجر اپنانے کا فیصلہ کیا گیا۔ ڈاکٹر اعظم حسین اور ڈاکٹر ایس پی سنگھ اور ڈاکٹر مینک اگروال نے سرجری کر کے مریضہ کی شہ رگ کو درست کیا اور اس کے دل میں ایک والو لگایا۔

اے ایم یو ڈاکٹروں کی جانب سے قلب کی کامیاب سرجری

ڈاکٹر صابر علی خان نے بتایا کہ سرجری کے دوران مریضہ کے دل اور پھیپھڑے کو تین گھنٹے تک روک کر مصنوعی طریقے سے آکسیجن دیا گیا۔ بلڈ بینک کے انچارج پروفیسر کفیل اختر نے بتایا کہ مریضہ کو مطلوبہ مقدار میں خون بلڈ بینک سے فراہم کیا گیا، جبکہ ڈاکٹر ندیم رضا نے انستھسیا دیا۔

اس کامیاب سرجری پر وائس جانسلر پروفیسر طارق منصور نے سرجنوں کو مبارکباد پیش کرتے ہوئے کہا کہ کووڈ 19 سے پیدا ہونے والی مشکلات کے باوجود اے ایم یو کے ڈاکٹر نے زندگی بچانے والےکئی مشکل آپریشن کامیابی کے ساتھ کئے ہیں۔